என்னென்ன தேவை?
இனிப்புச் சோளம் - 2 கப்
வெங்காயம் - 2 (பொடியாக நறுக்கியது)
அரிசி மாவு -1 டேபிள் ஸ்பூன்
கடலை மாவு, சோள மாவு - தலா 1 டேபிள் ஸ்பூன்
இஞ்சி-பூண்டு விழுது - 1 டேபிள் ஸ்பூன்
பச்சை மிளகாய் - 2 (பொடியாக நறுக்கியது)
சீரகத் தூள், மிளகுத் தூள் - 1 சிட்டிகை
சோம்பு - 1 டீஸ்பூன்
உப்பு , கறிவேப்பிலை, கொத்தமல்லி - சிறிதளவு
எண்ணெய் - பொரிக்கத் தேவையான அளவு
எப்படிச் செய்வது?
இனிப்புச் சோளத்தைக் கொரகொரப்பாக அரைத்துக்கொள்ளுங்கள். அதனுடன் அரிசி மாவு, சோள மாவு, கடலை மாவு, பொடியாக நறுக்கிய வெங்காயம், பச்சை மிளகாய், இஞ்சி-பூண்டு விழது, சீரகத் தூள், மிளகுத் தூள், சோம்பு, உப்பு, கறிவேப்பிலை,கொத்தமல்லி ஆகியவற்றைச் சேர்த்துப் பிசையுங்கள். பிசைந்த மாவைச் சிறு சிறு வடைகளாகத் தட்டிச் சூடான எண்ணெயில் போட்டுப் பொரித்தெடுங்கள். தேங்காய்ச் சட்னியுடன் பரிமாறினால் அமிர்தமாக இருக்கும்!
செஃப் காவிரிநாடன்