Published : 26 Feb 2019 14:45 pm

Updated : 26 Feb 2019 15:02 pm

 

Published : 26 Feb 2019 02:45 PM
Last Updated : 26 Feb 2019 03:02 PM

இறால் தொக்கு

தேவையானவை:

இறால் - அரை கிலோ (சுத்தம் செய்தபின் பாதி அளவாகக் குறைந்துவிடும்)


பெரிய வெங்காயம் - 2

தக்காளி - 2

பூண்டு - 1

மஞ்சள் தூள் - அரை டீஸ்பூன்

கடுகு - அரை டீஸ்பூன்

குழம்பு மிளகாய்த்தூள் - 2 ஸ்பூன்

மிளகுத்தூள் - 1 ஸ்பூன்

எண்ணெய், உப்பு - தேவையான அளவு

கறிவேப்பிலை, கொத்தமல்லி - தேவையான அளவு

 

செய்முறை:

* கடையிலேயே இறாலின் தோலை உரித்து வாங்கினாலும், இறாலுக்கு நடுவே மலக்குடம் இருக்கும். அதை நீக்க வேண்டும்.

* வெங்காயம், தக்காளியைப் பொடியாக நறுக்கவும். பூண்டை தோல் உரித்து, பொடியாக நறுக்கவும்.

* வாணலியை அடுப்பில் வைத்து, தேவையான அளவு எண்ணெய் ஊற்றவும். எண்ணெய் காய்ந்ததும், கடுகு போட்டு தாளிக்கவும். கடுகு வெடித்தவுடன், வெங்காயத்தைப் போட்டு வதக்கவும். வெங்காயம் விரைவில் வதங்குவதற்காக சிறிது உப்பு போடவும்.

* சிறிது நேரம் கழித்து நறுக்கிய பூண்டையும் போட்டு வதக்கவும். வெங்காயம் நிறம் மாறத் தொடங்கியபிறகு, அதில் தக்காளியைப் போட்டு வதக்கவும். வெங்காயம், தக்காளி நன்கு வதங்குவதற்காக, இரண்டு நிமிடம் மூடிவைத்து, அடுப்பை மிதமான தீயில் எரிய விடவும்.

* இரண்டு நிமிடங்களுக்குப் பிறகு கறிவேப்பிலை, மஞ்சள் தூள், குழம்பு மிளகாய்த்தூள் சேர்த்து, பச்சை வாசனை போகும்வரை நன்கு வதக்கவும். பின்னர், இறாலையும் அதில் சேர்த்து, ஒரு நிமிடம் வதக்கவும்.

* பின்னர், அரை டம்ளர் தண்ணீர், தேவையான அளவு உப்பு சேர்த்து, மூடிபோட்டு 5 நிமிடங்கள் வேகவைக்கவும். 5 நிமிடங்களுக்குப் பிறகு, மிளகுத்தூள் மற்றும் கொத்தமல்லித்தழை சேர்த்து இறக்கினால் சுவையான இறால் தொக்கு தயார்.

நிறைய மசாலா சேர்க்காமல், எளிமையாக செய்யக்கூடிய இறால் தொக்கு இது.

இதன் செய்முறை வீடியோ இதோ...


இறால் தொக்குசமையல்தமிழ் சமையல்

Sign up to receive our newsletter in your inbox every day!

More From This Category

More From this Author

x