நெட்பிளிக்ஸ் தளத்தில் 2016-ம் ஆண்டு வெளியான தொடர், ‘ஸ்ட்ரேஞ்சர் திங்ஸ்’. வரவேற்பைப் பெற்ற இத்தொடரின் அடுத்தடுத்த சீசன்கள் உருவாகி உலகம் முழுவதும் உள்ள ரசிகர்களிடம் பாராட்டைப் பெற்றன. திகில், அறிவியல் புனைவு, புதிர், ஃபேன்டஸி என அனைத்தும் கலந்த ஜானரில் உருவான இத்தொடரின் 5 வது சீசன், நவ.27-ல் வெளியானது.
உலகம் முழுவதும் உள்ள பார்வையாளர்கள் ஒரே நேரத்தில் இந்த தொடரைப் பார்க்க ஆர்வம் காட்டியதால் நெட்பிளிக்ஸ் தளம் முடங்கியது. அமெரிக்க பார்வையாளர்கள் அதிகம் பாதிக்கப்பட்டனர். 15 ஆயிரத்துக்கும் அதிகமான பயனர்கள் சிக்கல்களை எதிர்கொண்டதாகப் புகாரளித்துள்ளனர். இந்தியாவிலும் இத்தளம் முடங்கியது.
இந்தச் செயலிழப்புக்கான காரணம் குறித்து நெட்பிளிக்ஸ் அதிகாரப்பூர்வமாக ஏதும் தெரிவிக்கவில்லை. கடந்த 2022-ம் ஆண்டில் ‘ஸ்ட்ரேஞ்சர் திங்ஸ் சீசன் 4’ இறுதி 2 எபிசோட்கள் வெளியானபோதும் இதுபோன்ற பிரச்சினை ஏற்பட்டது. மொத்தம் 8 எபிசோடுகளை கொண்ட இத்தொடரின் முதல் எபிசோடு நேற்று முன் தினம் வெளியானது. 2-வது டிச. 25-ம் தேதியும், கடைசி எபிசோடு டிச.31-ம் தேதியும் வெளியாக இருக்கின்றன.
