Published : 03 Feb 2025 10:34 PM
Last Updated : 03 Feb 2025 10:34 PM
ஒவ்வொரு ஆண்டும் நெட்ஃப்ளிக்ஸ் ஓடிடி தளம் அந்த ஆண்டு வெளியாகவுள்ள படங்கள், வெப் தொடர்களை பற்றிய அறிவிப்பை வெளியிடுவது வழக்கம். அதன்படி 2025-ஆம் ஆண்டில் வெளியாகவுள்ள படைப்புகள் குறித்த அறிவிப்பை நெட்ஃப்ளிக்ஸ் வெளியிட்டுள்ளது.
மண்டலா மர்டர்ஸ்: வாணி கபூர், வைபவ் ராஜ் குப்தா நடித்துள்ள இத்தொடரை கோபி புத்ரன், மானன் ராவத் இயக்கியுள்ளனர். சரண்தாஸ்பூர் என்ற மர்மம் நிறைந்த ஒரு ஊரில் நடக்கும் ஒரு கொலையை பின்னணியாக கொண்டு க்ரைம் த்ரில்லராக உருவாகியுள்ளது.
டப்பா கார்டெல்: ஷபானா ஆஸ்மி, ஜோதிகா, ஷாலினி பாண்டே, நிமிஷா சஜயன், அஞ்சலி ஆனந்த் உள்ளிட்டோர் நடித்துள்ள இந்த வெப் தொடரை ஹிதேஷ் பாட்டியா இயக்கியுள்ளார். தானேவில் வாழும் ஐந்து சராசரி குடும்பத்து பெண்களின் வாழ்க்கையை பற்றி இத்தொடர் பேசுகிறது.
க்ளோரி: கரண் அன்ஷுமன், கர்மான்யா அஹுஜா இயக்கத்தில் சுவிந்தர் விக்கி, திவ்யேந்து உள்ளிட்டோர் நடித்துள்ள இத்தொடர் குத்துச் சண்டையை மையமாக கொண்டு உருவாகியுள்ளது.
அக்கா: கீர்த்தி சுரேஷ், ராதிகா ஆப்தே பிரதான கதாபாத்திரங்களில் நடித்துள்ள இத்தொடர் 80களில் தென்னிந்தியாவில் நடக்கும் கதையை பின்னணியாக கொண்டு உருவாகியுள்ளது. இதனை தர்மராஜ் ஷெட்டி இயக்கியுள்ளார்.
சூப்பர் சுப்பு: சந்தீப் கிஷன் நடிக்கும் புதிய வெப் தொடர். நெட்ஃப்ளிக்ஸ் தயாரிக்கும் முதல் தெலுங்கு தொடரான இதனை மல்லிக் ராம் இயக்கியுள்ளார்.
டெஸ்ட்: மாதவன், சித்தார்த், நயன்தாரா நடிக்கும் படம் இது. கிரிக்கெட்டை மையமாக கொண்டு உருவாகியுள்ள இப்படத்தை சசிகாந்த் இயக்கியுள்ளார்.
இவை தவிர ஷாருக்கான் மகன் இயக்குநராக அறிமுகமாகும் புதிய படத்தின் டைட்டில் அறிவிப்பு, ராஜ்குமார் ராவ் நடிக்கும் ‘டோஸ்டர்’, சைஃப் அலி கானின் ’ஜுவல் தீஃப்’, நீரஜ் பாண்டேவின் ‘காக்கி: தி பெங்கால் சாப்டர்’, ‘கோர்ரா: சீசன் 2’, ‘டெல்லி கிரைம்: சீசன்3’ உள்ளிட்ட படைப்புகள் குறித்த அறிவிப்பையும் நெட்ஃப்ளிக்ஸ் வெளியிட்டுள்ளது.
Sign up to receive our newsletter in your inbox every day!
WRITE A COMMENT