பணிபுரியும் பெண்களுக்கு மாதந்தோறும் ஒருநாள் வீதம் ஆண்டுக்கு 12 நாள்கள் ஊதியத்துடன் கூடிய மாதவிடாய் விடுப்பை கர்நாடக அரசு அறிவித்திருப்பது வரவேற்கத்தக்கது. அரசு ஊழியர்களுக்கு மட்டுமல்லாமல் தனியார் நிறுவன ஊழியர்களுக்கும் மாதவிடாய் விடுப்பு அறிவித்திருக்கும் இந்தியாவின் முதல் மாநிலம் கர்நாடகம் என்பது பாராட்டுக்குரியது.
பெண்களுக்கு மாதவிடாய் விடுப்பு அளிப்பது தொடர்பாகப் பல ஆண்டுகளாகப் பேசப்பட்டுவந்தாலும், உலக அளவில் மிகச் சில நாடுகளே மாதவிடாய் விடுப்புச் சட்டத்தை நிறைவேற்றியுள்ளன. இந்தியாவில் பிஹார் மாநிலத்தில் 1992 முதல் அரசு ஊழியர்களுக்கு மாதந்தோறும் இரண்டு நாள்கள் மாதவிடாய் விடுப்பு நடைமுறையில் உள்ளது.