பெண் தொல்லியல் ஆய்வாளர்கள், கள ஆய்வின் செயல்முறைகள் மற்றும் பண்பாட்டு விளக்கங்கள் ஆகியவற்றிற்கு அடிப்படையான பங்களிப்புகளை வழங்கியுள்ளனர். ஐரோப்பா மற்றும் அமெரிக்காவைச் சேர்ந்த பல முன்னோடி தொல்லியல் அறிஞர்களின் பணி இதனைத் தெளிவாக வெளிப்படுத்துகிறது.
உலக அளவில் முன்னோடிகள்: டோரதி கேரோட், கற்கால ஆய்வில் ஒரு முன்னோடியாகவும், கேம்பிரிட்ஜ் பல்கலைக்கழகத்தில் முதல் பெண் தொல்லியல் பேராசிரியர் என்ற பெருமையையும் பெற்றார். பாலஸ்தீனத்தில் உள்ள மவுண்ட் கார்மல் என்ற இடத்தில் இவர் மேற்கொண்ட அகழாய்வுகள்,பழைய கற்காலம் மற்றும் இடைக் கற்காலப் பண்பாடுகளின் துல்லியமான தரவுகளை வெளிப்படுத்தின. இந்த கண்டுபிடிப்புகள், அண்மைக் கிழக்கில் ஆரம்பகால மனிதப் பரிணாம வளர்ச்சி குறித்த முக்கியமான சான்றுகளை வழங்கின. கேத்லீன் கென்யன், மண்ணடுக்கு அமைப்புக் கொள்கைகளை நுணுக்கமாகப் பயன்படுத்தியதன் மூலம் அகழாய்வு முறையை (வீலர்-கென்யன் முறை) புரட்சிகரமான மாற்றத்திற்கு உட்படுத்தினார்.