இந்தியா மட்டுமின்றி உலகின் பல நாடுகளிலுமே பெண்களை முதன்மைக் கதாபாத்திரங்களாகக் கொண்ட திரைப்படங்களின் வரத்து எப்போதுமே குறைவுதான்.
எனினும், ஓடிடி தளங்களில் நமக்குக் காணக்கிடைக்கும் தரமான படைப்புகளில் வரும் பெண் கதாபாத்திரங்கள் பலவும் நம்மையும், நம்மைச் சுற்றியுள்ள பெண்களையும் நினைவுகூர வைப்பதில் தவறுவதில்லை. இதைத்தான் ‘திரை தேவதைகள்’ நமக்கு முதலில் உணர்த்துகிறது.
தமிழ், மலையாளம், தெலுங்கு, கன்னடம், இந்தி, பெங்காலி, மராத்தி மட்டுமின்றி, வெளிநாட்டு மொழிகளிலும் 2020க்குப் பின் வெளிவந்து, ஓடிடி தளங்களில் காணக்கிடைக்கும் பெண் கதாபாத்திரங்களுக்கு முக்கியத்துவம் அளிக்கும் 25 படைப்புகளை எளிய நடையில் அலசுகிறது இந்தப் புத்தகம்.
