தமிழ்நாடு, இந்தியாவின் மிகச் செழுமையான தொல்லியல் மற்றும் பண்பாட்டுப் பாரம்பரிய வளங்களை கொண்ட மாநிலங்களில் ஒன்றாகும்.
வரலாற்றுக்கு முற்பட்ட மனிதக் குடியிருப்புகள் முதல் சங்ககால நகரங்கள், இடைக்கால அரசாட்சிகள், கோயில்கள் மற்றும் கடல்சார் வணிக மையங்கள் வரை நீண்ட மனித நாகரிக வளர்ச்சியின் சான்றுகளை தமிழ்நாடு பாதுகாத்து வருகிறது. அண்மைக்கால அகழாய்வுகள் மூலம் கீழடி, ஆதிச்சநல்லூர், கொடுமணல், பொருந்தல், சிவகளை, மயிலாடும்பாறை மற்றும் பூம்புகார் போன்ற தளங்கள் தேசிய மற்றும் பன்னாட்டு அளவில் கவனத்தை ஈர்த்துள்ளன. இதன் விளைவாக தொல்லியல் சுற்றுலாவை அடிப்படையாகக் கொண்ட நிலைத்த வளர்ச்சிக்கான புதிய வாய்ப்புகள் உருவாகியுள்ளன.
