புத்தியல்பு வாழ்க்கையில் புதிய நோய்த்தொகுப்பு

உங்களுக்கு ‘சிகேடி’ (CKD – Chronic Kidney Disease) நோய் குறித்துத் தெரிந்திருக்கும். அதாவது, நாள்பட்ட சிறுநீரக நோய். ‘சிகேஎம்’ நோய்த்தொகுப்பு (CKM Syndrome) தெரியுமா? இன்றைய புத்தியல்பு வாழ்க்கை முறையில் நம் ஆரோக்கியத்துக்கு வெடிவைக்கும் புதிய ஆபத்து இது.

2024ஆம் ஆண்டின் இறுதியில் அமெரிக்க இதயநலக் கழகம் (American Heart Association) ‘சிகேஎம்’ நோய்த்தொகுப்பு (CKM Syndrome) என்னும் புதிய வகை பாதிப்பு இளம் வயதினரிடமும் நடுத்தர வயதினரிடமும் அதிகமாகக் காணப்படுகிறது என்று தெரிவித்ததில் இருந்து இந்த நோய்த்தொகுப்பு மருத்துவர்கள் மத்தியில் அதிகக் கவனம் பெற்றுள்ளது.