இலங்கையில் தேயிலைத் தோட்டங்களில் ஒப்பந்தக் கூலிகளாகப் பணிபுரிய இந்தியாவிலிருந்து புலம் பெயர்ந்து சென்ற தமிழர்கள் பட்ட கொடுமைகள் சொல்லி மாளாது.
அதேபோல, இலங்கையிலிருந்து தாயகம் திரும்பிய தமிழர்கள், தமிழ்நாட்டில் கால் பதித்து நிரந்தர வாழ்க்கையை அமைத்துக் கொள்ள எதிர்கொண்ட துயரங்களும் சோகமயமானது.
மலையகத்தில் பிறந்து, அங்குள்ள இடதுசாரி தொழிற்சங்கத்தில் இணைந்து செயல்பட்ட மா.சந்திரசேகரன், தாயகம் திரும்பியதும் கோத்தகிரியில் மலையக மக்கள் மறுவாழ்வு மன்றம் உயிர்த்துடிப்புடன் இயங்கிய காலத்தில் தன்னை இணைத்துக் கொண்டு செயல்பட்டவர்.
