பெண்களுக்குச் சொத்தில் சம உரிமை இருந்தும், அது மறுக்கப்படுவதை மையமாகக் கொண்டு எழுதப்பட்டுள்ள நாவல் ‘சடவு’. நேர்த்தியாகக் கையாளப்பட்டுள்ள நெல்லை, தென்காசி வட்டார வழக்கு நாவலின் பலம்.
கதை நேர்க்கோட்டில் பயணிக்காமல் நிகழ்காலத்திலும் இறந்த காலத்திலும் பின்னிச் செல்வது வாசிப்புக்குச் சுவை சேர்க்கிறது. மக்கள் வாழ்வுக்கும் சட்டம் தரும் உரிமைகளுக்குமான இடைவெளியை வெளிச்சமிட்டுக் காட்டுவதால் ‘சடவு’ முக்கியத்துவம் பெறுகிறது.
சிறுவயதில் தந்தை தனக்குத் தருவதாகச் சொன்ன 10 தென்னம் பிள்ளைகளை, வளர்ந்து தாயான பிறகு அண்ணன் செண்பகத்திடம் கேட்கிறாள் மல்லிகா. மறுக்கிற அண்ணன், அவளை அடிக்கவும் செய்கிறான்.
