மேன்ஷன் வாழ்வின் வெக்கை | நூல் நயம்

விரிந்து கொண்டே செல்கிற சென்னையின் ஆரம்ப கால அடையாளங்களில் திருவல்லிக்கேணி மேன்ஷன்களுக்கு தனியிடம் உண்டு. இப்போது அவை கொஞ்சம் மேலதிக வசதிகளுடன் இருக்கின்றன. சென்னைக்கு இளம் வயதில் வேலை தேடி வந்திருக்கும் பலருக்கு மேன்ஷன் பழகியிருக்கும். அந்த சிங்கிள் அறைகளில், சிறிய கட்டில்களில், அருகில் கடற்கரை இருந்தாலும் வெப்பக் காற்றை மட்டுமே அள்ளித் தரும் ஃபேன்களுக்கு கீழே வாழ்தல், விவரிக்க முடியாத அனுபவம்..அப்படியான மேன்ஷன் வாழ்வின் மகிழ்வை, கொண்டாட்டத்தை, வெக்கையை, இன்றே வாழ்ந்துவிட தீர்மானிக்கிற மனங்களை, குடியே அனைத்துக்குமான மருந்தென அதற்குள் நீந்தி ஏக்கம் மறப்பவர்களை, முன்பின் அறியாதவர்களின் தோழமையை, அன்பை, திருமண வயதை கடந்துவிட்டவர்களின் பாலியல் ஏக்கத்தை அழகாகப் பேசிப் போகிறது இந்த நாவல்.இந்நாவலுக்குள் வருகிற வேடன் கிருஷ்ணன், பெண்கள் பத்திரிகை நடத்தும் வேல்முருகன், சினிமாவுக்கு பாட்டெழுதும் ஆசையில் இருக்கிற மதி வேந்தன், சரக்குக்குத் தவிக்கிற மணிமாறன், அவர் மனதுக்குள் இருக்கிற ஜான்சி, குடித்து ஓய்ந்து போகும் கனகலிங்கம், இலக்கியவாதிகள் ராஜசிம்மன், கிருபாகரன் உள்பட நாவலில் வருகிற அனைத்து கதாபாத்திரங்களும் போலியானவர்களல்ல; கற்பனையாகச் செதுக்கப்பட்டவர்களும் அல்ல..அவர்கள் நாம் ஏற்கெனவே சந்தித்தவர்களாகவோ, தெருவோரக் கடைகளில் நம்முடன் தேநீர் அருந்தியவர்களாகவோ, பேசியவர்களாகவோ இருப்பதும் சில இடங்களில் அவர்களில் நாமும் ஒருவராக இருந்து விடுவதும் இந்நாவல் கொண்டிருக்கிற சிறப்பு. ஒரு படைப்பு செய்ய வேண்டியதும் அதுதான்.வாசிக்கத் தொடங்கிய சில பக்கங்களிலேயே இந்நாவல் நம்மை உள்ளி ழுத்துக் கொள்கிறது. இதன் ஆசிரியர் பா.சரவணகுமரனின் மொழிநடை, ஒரு வழிகாட்டியை போல, நம் கைப்பிடித்து அழைத்துச் செல்லும் எளிமையை கொண்டிருப்பது இந்நாவலை விரைந்து வாசிக்க வைக்கிறது. மாறிக் கொண்டிருக்கிற காலத்தின் வேகத்தில் இந்நாவல் நிஜங்களின் பதிவாக, சுவாரசியமான வாசிப்பனுபவத்தைத் தருகிறது.மேன்ஷன்பா.சரவணகுமரன்மின்னங்காடிவிலை: ரூ.250தொடர்புக்கு: 7299241264.லகுவான சொற்களில் காட்சிகளின் மாய பிம்பங்கள்