இன்றைய காலத்தில் பெண்களைப் பற்றியும் அவர்களுக்கு நடக்கக்கூடிய நிகழ்வுகளைப் பற்றியும் எழுத நிறைய பெண் எழுத்தாளர்கள் இருக்கிறார்கள்.
அவ்வகையில், எழுத்தாளர் ஏ.சாந்தி பிரபு தினமும் பெண்களுக்கு நடக்கக்கூடிய நிகழ்வுகளைக் கேட்டோ, படித்தோ எழுதாமல் அவரது கண்களால் கண்டதை ஆராய்ந்து ‘கவனமா படிங்க ப்ளீஸ்’ என்ற தலைப்பில் 31 கட்டுரைகள் அடங்கிய நூலை வெளியிட்டுள்ளார்.
இந்தப் புத்தகத்தின் தலைப்பே ஒரு வேண்டுகோளை வாசகர்களிடம் முன் வைக்கிறது. நூலில் இடம்பெற்றுள்ள ஒவ்வொரு கட்டுரையும் ஏதேனும் சாதித்த பெண்களைப் பற்றிப் பேசுகிறது.
உடலில் ஏதேனும் குறைபாடுகள் இருந்தாலும் பெண்கள் சாதித்துக்கொண்டு தானே இருக்கிறார்கள்; ஆனால், ஆணாதிக்கம் ஏன் அதை ஏற்க மறுக்கிறது என்ற கேள்வியை முன்வைக்கிறது இந்நூல்.
