ப்ரீமியம்
நூல் நயம்: சொல் அருவி

ஔவை நடராசன், நாடறிந்த தமிழ் அறிஞர். நற்றிணை, சிலப்பதிகாரம் உள்ளிட்ட பல படைப்புகளுக்கு உரை எழுதியுள்ளார். அரசுத் துறைச் செயலாளராக, பல்கலைக்கழகத் துணை வேந்தராகப் பணியாற்றியவர். பல உலக நாடுகளில் தமிழைப் பிரதிநிதித்துவப்படுத்தியவர். இவை எல்லாவற்றிற்கும் மேல் நல்ல பேச்சாளர் என அறியப்பட்டவர். சொல் அருவியாகப் பொழிந்தவர்.

இவர் ஆற்றிய சொற்பொழிவுகள் தொகுக்கப்பட்டு, ‘ஒளவை சொல் கேளீர்’ என்னும் தலைப்பில் நூலாக வந்துள்ளது. தமிழ்ச் சங்கத் தமிழ் வளங்கள், தொல்காப்பியம் போன்ற படைப்புகள் பற்றியும் பாரதி ஆய்வாளர் சீனி விசுவநாதன், பெரியார், வள்ளலார், சிலம்பொலி செல்லப்பன் போன்ற ஆளுமைகள் பற்றியும் ஒளவையார் ஆற்றிய உரைகள் இந்த நூலில் தொகுக்கப்பட்டுள்ளன.