ப்ரீமியம்
தமிழ் வழி இந்தி! 

மொழி தொடர்பாக அதிக விவாதம் நடைபெற்றுவரும் காலகட்டம் இது. பல மொழிகள் பேசப்படும் இந்தியத் துணைக் கண்டத்தில் இம்மாதிரியான விவாதங்கள் இயல்பானவை. அதனால் மொழி வெறுப்பு அவசியமற்றது. இளம் தலைமுறையினர் பாகுபாடில்லாமல் பல மொழிகளைக் கற்பது நல்லது. ஆனால், தாய்மொழியைக் கற்கவும் கடைப்பிடிக்கவும் மறக்கக் கூடாது. இந்தியாவில் அதிகம் பேசப்படும் மொழியான இந்தியைத் தமிழ் வழி எளிதாகக் கற்கலாம் என்பதை ‘தமிழ் மூலம் இந்தி கற்கலாம்’ நூல் விளக்குகிறது. இந்தி எழுத்துகளை எப்படி உச்சரிக்க வேண்டும் என்பதைத் தமிழில் குறிப்பிட்டுள்ளனர். அதுபோல் நமக்குப் பழக்கப்பட்ட தமிழ் மொழி எழுத்துகளை நினைவூட்டும்படியாக இந்தி எழுத்துகளைப் பட்டியலிட்டுள்ளனர். அடிப்படையில் தொடங்கி வார்த்தை அமைப்பு வரை விரிவாகவும் எளிமையாகவும் இதில் விளக்கப்பட்டுள்ளது. - குமரன்