நூல் வரிசை

வசந்த வாய்ப்புகள்
சீ.சுரேஷ்குமார்
கனவுத்தமிழ் பதிப்பகம்
விலை: ரூ.150
தொடர்புக்கு: 9840321522

சிறுபான்மையினருக்கான அரசின் திட்டங்களை எளிய மக்களுக்கும் புரியும் வகையில் இதில் நூலாசிரியர் பகிர்ந்துள்ளார். கட்டுரை, கதை ஆகிய வடிவங்களில் இவற்றை எழுதியுள்ளார்.

குழந்தைமை ரகசியம்
மரியா மாண்டிசோரி
(தமிழில்: சி.ந.வைத்தீஸ்வரன்)
முல்லை பதிப்பகம்
விலை: ரூ.300
தொடர்புக்கு: 9840358301

குழந்தைகள் ஏன் அழுகின்றன, ஏன் சிரிக்கின்றன என்பது தாய்க்குத் தெரியும் என்பார்கள். தாய்க்கும் தெரியாத ரகசியம் இருக்கிறது, அதைத் திறந்துகாட்டுகிறது இந்நூல்.

எங்களோட கதை
இரா.பிரேமா
ஹெர் ஸ்டோரீஸ்
விலை: ரூ.120
தொடர்புக்கு: 7550098666

பல்வேறு வகைப்பட்ட பெண்களைக் கதையாசிரியர் இதற்குள் சிருஷ்டித்துள்ளார். அவர்களது வாழ்க்கை அனுபவங்களைப் பொது வாசிப்புக்கான விஷயமாக இதில் திறம்பட மாற்றியுள்ளார்.

ஏன் இத்தனை பதற்றத்தை ஏற்படுத்துகிறீர்கள்?
மணி கணேசன்
இனிய நந்தவனம் பதிப்பகம்
விலை: ரூ.150
தொடர்புக்கு: 9443284823
இன்றைய கல்வித் துறையின் பிரச்சினைகளை அலசும் கட்டுரைகளைக் கொண்ட தொகுப்பு. அரசியல்ரீதியாகவும் உணர்வுபூர்வமாகவும் நூலாசிரியர் இவற்றை விளக்குகிறார்.

அங்காடித் தெருவின் கதை
உமாபதி கே
புஸ்தகா
விலை: ரூ.100
தொடர்புக்கு: 7418555884

தமிழ்நாட்டின் மிக நெருக்கடி மிக்க சந்தைத் தெரு தி.நகர் ரங்கநாதன் தெரு. இந்தத் தெருவின் வரலாற்றைச் சுவைபடச் சொல்லும் நூல் இது.

கவிப்பேரரசர்களின் கவியமுதம்
செ.பாலகிருஷ்ணன்
மித்ரா தேவ் பதிப்பகம்
விலை: ரூ.285
தொடர்புக்கு: 7502844666

திருவள்ளுவர், கம்பர், இளங்கோவடிகள், வில்லிபுத்தூர் ஆகிய கவிகளின் கவித் திறனைச் சுவைபட நூலாசிரியர் இதில் விளக்கியுள்ளார். இக்கவிகளின் வரிகளை எடுத்து அவற்றுக்குள் பொதிந்துள்ள அகச்சுவையை வாசகர் அறியும் வண்ணம் இந்நூல் கட்டுரைகள் வழி விளம்பியுள்ளார் இவர்.