ஆழ்ந்த மூச்சுக்குப் பிறகு
மலை அங்கு வந்து நின்றது
மலைகள் அங்கு வந்து நின்றன
மலைகள் அப்படித்தான் அங்கே நிற்கின்றன
அவை உள்ளே
கீழ்நோக்கி
தங்களுக்குள்
மூச்சைப் பிடித்துக்கொண்டுள்ளன
கடலும் ஆகாயமும்
திரையோலமிடுகின்றன
இடி இடிக்கின்றன
அப்போது மலைகள்
மூச்சைப் பிடித்துக்கொள்கின்றன
- ஜான் ஃபோஸ்ஸே
ஆங்கிலம்: மே பிரிட் அகர்ஹோல்ட்
தமிழில்: மண்குதிரை
இந்த ஆண்டு இலக்கியத்துக்கான நோபல் பரிசு, நார்வே எழுத்தாளரான ஜான் ஃபோஸ்ஸேவுக்கு அறிவிக்கப்பட்டுள்ளது. நாடகங்கள், நாவல்கள், கவிதைத் தொகுப்புகள், கட்டுரைகள், சிறார் இலக்கியம் எனப் பல வடிவங்களில் இலக்கியப் பங்களிப்பு செய்தவர் அவர். நார்வீஜியன் ஸ்நோர்ஸ்க் மொழியில் அவர் எழுதிவருகிறார்.
