பிறமொழி நூலறிமுகம்: கலை-இலக்கியத்திலும் தளபதியாய்…

ஹொஸே மார்த்தி, ஸ்பானிய ஏகாதிபத்தியத்தை எதிர்த்துக் கருத்துக் களத்திலும் போர்க்களத்திலும் போராடி, லத்தீன் அமெரிக்க விடுதலை இயக்கத்துக்கு வித்திட்டவர்களில் ஒருவர். கியூபாவை ஸ்பானிய அடிமைத்தனத்திலிருந்து விடுவிக்கத் தன் 42 ஆண்டு கால வாழ்வின் பெரும் பகுதியை செலவிட்டவர். ஃபிடல் காஸ்ட்ரோவின் ஆதர்ச நாயகன். அவரது மறுபக்கத்தைக் காட்டுகிறது இந்நூல். கியூப விடுதலைக்காக ஐரோப்பாவையும் அமெரிக்காவையும் வலம்வந்த காலத்தில் தான் எதிர்கொண்ட கவிஞர்கள், எழுத்தாளர்கள், ஓவியர்களின் படைப்புகளைப் பற்றி ஒரு விமர்சகராக ஹொஸே மார்த்தி பல்வேறு இதழ்களிலும் நாளிதழ்களிலும் எழுதிய கட்டுரைகளில் சில இந்நூலில் இடம்பெற்றுள்ளன.