Published : 24 Sep 2019 15:37 pm

Updated : 24 Sep 2019 15:37 pm

 

Published : 24 Sep 2019 03:37 PM
Last Updated : 24 Sep 2019 03:37 PM

மாற்றுத்திறனாளி சிறுமியை சுற்றுலா முழுவதும் முதுகில் சுமந்த ஆசிரியர்: குவியும் பாராட்டுகள்

teacher-carries-student-with-spina-bifida-on-field-trip
சிறுமியை முதுகில் சுமக்கும் ஆசிரியர்

அமெரிக்கா

அமெரிக்காவில், மாற்றுத்திறனாளி சிறுமி ஒருவரை பள்ளிச் சுற்றுலா முடியும் வரை தோளில் சுமந்த ஆசிரியரைப் பலரும் வெகுவாகப் பாராட்டி வருகின்றனர்.

அமெரிக்காவைச் சேர்ந்த ரியான் என்கிற சிறுமி ஒருவர், பிறக்கும்போதே முதுகுத்தண்டுவடத்தில் ஏற்பட்ட பிரச்சினையால் நடக்க முடியாத நிலையில் உள்ளார். அச்சிறுமி, தற்போது மழலையர் வகுப்பில் படித்து வருகிறார். இந்நிலையில் அச்சிறுமியின் பள்ளியில் கடந்த 20-ம் தேதி, ஓஹியோ மாநிலத்தில் உள்ள நீர்வீழ்ச்சிக்கு சுற்றுலா செல்ல முடிவெடுத்திருந்தனர். இந்தச் சுற்றுலாவில் சிறுமி ரியானை, அவரது ஆசிரியர் கிரிஸ்டி பைல் தன் முதுகில் சுமந்து, சுற்றுலாவில் அச்சிறுமியும் மகிழ்ச்சியாக இருக்கும்படி செய்துள்ளார்.

சிறுமியை முதுகில் சுமக்கும் ஆசிரியர்

இச்சம்பவம் குறித்தும், ஆசிரியர் கிரிஸ்டி பைல் குறித்தும், சிறுமியின் தாய், சிறுமிக்காக உருவாக்கப்பட்டிருக்கும் முகநூல் பக்கத்தில் நெகிழ்ச்சியாகப் பதிவிட்டுள்ளார். அதில், ஆரம்பத்தில் தன் மகளைச் சுற்றுலாவுக்கு அனுப்ப தயக்கம் கொண்டதாகவும், ஆசிரியர் கிரிஸ்டி பைல் இதனைச் சாத்தியமாக்கியதாகவும், அந்த ஆசிரியருக்கு ரியானின் தாயார் நன்றி தெரிவித்துள்ளார். மேலும், சிறுமி ரியான் பயிலும் பள்ளிக்கும் அவர் நன்றி தெரிவித்துள்ளார்.

சிறுமி ரியானின் தாயார் பதிவிட்ட இந்தப் பதிவு வைரலாகி வருகிறது. ஆசிரியர் கிறிஸ்டி பைலைப் பலரும் பாராட்டி வருகின்றனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

மாற்றுத்திறனாளிசிறுமிஆசிரியர்சுற்றுலாஓஹியோ நீர்வீழ்ச்சிPhysically challengedTeacherField tripOhio falls

Sign up to receive our newsletter in your inbox every day!

You May Like

More From This Category

More From this Author