கொல்கத்தா: முந்தைய திரிணமூல் காங்கிரஸ் கட்சியின்போது இலவச வீட்டு வசதித் திட்டத்தின் கீழ் பயன் அடைந்த 12 ஆயிரம் போலி பயனாளிகள் மீது சட்டப்படி நடவடிக்கை எடுக்கப்படும் என்று மேற்கு வங்க முதல்வர் சுவேந்து அதிகாரி தெரிவித்தார்.
இதுகுறித்து அவர் மேலும் கூறியதாவது: முந்தைய திரிணமூல் காங்கிரஸ் ஆட்சியில் அந்த போலி நபர்களுக்கு நிதி ஒதுக்கப்பட்டுள்ளது. அவர்களிடமிருந்து அந்தத் தொகையை மீட்பதற்கான நடவடிக்கைகளில் இறங்கியுள்ளோம்.
அதில் 1,000 பேர் பணத்தை திரும்பச் செலுத்தியுள்ளனர். மற்றவர்களுக்கு அதேபோல் பணத்தைத் திருப்பிச் செலுத்தவேண்டும். இல்லாவிட்டால் அவர்கள் மீது சட்டப்படி நடவடிக்கை எடுக்கப்படும். மேலும், இந்தத் திட்டத்தில் நிதி முறைகேடான வகையில் செல்ல உடந்தையாக இருந்த மேற்கு வங்க அரசு அதிகாரிகள் மீதும் நடவடிக்கை எடுக்கப்படும். இவ்வாறு அவர் தெரிவித்தார்.
