புதுடெல்லி: சவுதி அரேபியாவின் எண்ணெய் வயல்கள், விமான நிலையங்களை குறிவைத்து ஹவுதி கிளர்ச்சிப் படை ஏவுகணை, ட்ரோன்கள் மூலம் தாக்குதல் நடத்தி வருகிறது. இதைத் தொடர்ந்து இந்தியாவின் ஏர் இந்தியா நிறுவனம் நேற்று வெளியிட்ட அறிக்கையில், “ சவுதிஅரேபியாவின் ரியாத், ஜெட்டா, தம்மாம் ஆகிய நகரங்களுக்கான விமான சேவைகள் வரும் 24-ம் தேதி வரை ரத்து செய்யப்படுகிறது" என்று அறிவிக்கப்பட்டு உள்ளது. இதேபோல ஏர் இந்தியா எக்ஸ்பிரஸ் நிறுவனமும் வரும் 24-ம் தேதி வரை சவுதி அரேபியாவுக்கான விமான சேவைகள் ரத்து செய்யப்படுவதாக அறிவித்துள்ளது.
