புதுடெல்லி: உத்தர பிரதேச சட்டப்பேரவைத் தேர்தலில் காங்கிரஸ் பொறுப்பாளராக மீண்டும் பிரியங்கா வத்ரா பொறுப்பேற்றுள்ளார். கடந்த முறை உ.பி. சட்டப்பேரவைத் தேர்தலில் காங்கிரஸின் பொறுப்பாளராக பிரியங்கா காந்தி இருந்தார்.
அப்போது உ.பி.யின் அனைத்துத் தொகுதிகளிலும் காங்கிரஸ் போட்டியிட்டு, வெறும் 2 இடங்களில் மட்டுமே வெற்றிபெற்றது. சமாஜ்வாதி 111 இடங்களிலும், பகுஜன் சமாஜ் ஒரு தொகுதியிலும் வெற்றி பெற்றன. 255 இடங்களில் வென்ற ஆளும் பாஜக இரண்டாவது முறையாக ஆட்சி அமைத்தது. இதனால், 2024 மக்களவைத் தேர்தலில் சமாஜ்வாதியுடன் கூட்டணி வைத்து காங்கிரஸ் போட்டியிட்டது. மொத்தமுள்ள 80 தொகுதிகளில் காங்கிரஸுக்கு 2 தொகுதிகளும், சமாஜ்வாதிக்கு 37 தொகுதிகளும் கிடைத்தன.
இம்முறை சட்டப்பேரவைத் தேர்தலிலும் சமாஜ்வாதியுடன் கூட்டணி அமைக்க காங்கிரஸ் விரும்புகிறது. இந்நிலையில், சட்டப்பேரவைத் தேர்தலுக்காகக் களமிறங்கியுள்ள காங்கிரஸ் பொதுச்செயலாளர் பிரியங்கா காந்தி மாநிலத்தின் தேர்தல் பொறுப்பை முழுமையாக ஏற்றுக்கொண்டுள்ளார். தேர்தலுக்கான விரிவான வியூகத்தை அவர் வகுக்க உள்ளார்.
