பெங்களூரு: கர்நாடகாவில் காவிரி நீர்ப்பிடிப்பு பகுதிகளான தலக்காவிரி, பாகமண்டலா, மடிகேரி உள்ளிட்ட பகுதிகளில் மே மாதம் இறுதி வாரத்தில் தென்மேற்கு பருவமழை தொடங்கும்.
ஆனால் நிகழாண்டில் மே மற்றும் ஜூன் மாதங்களில் அங்கு மழை பெய்யவில்லை. ஜூலை முதல் வாரத்தில் தொடங்கிய பருவமழை 4 நாட்கள் மட்டுமே நீடித்தது. இதே போல கபிலா நதி உற்பத்தியாகும் கேரள மாநிலம் வயநாட்டிலும் போதிய அளவுக்கு மழை பெய்யவில்லை.
தமிழகத்துக்கு ஜூன் 1-ம் தேதி முதல் ஜூலை 19-ம் தேதிக்குள் 28.3 டிஎம்சி நீரை கர்நாடகா திறந்துவிட்டிருக்க வேண்டும். ஆனால் இதுவரை 3.4 டிஎம்சி நீரை மட்டுமே திறந்துவிட்டுள்ளது. இதனால் மேட்டூர் அணையின் நீர்மட்டம் குறைந்து காணப்படுகிறது.
