கொல்கத்தா: மேற்கு வங்கத்தில் 2 சட்டப் பேரவை தொகுதிகள், அசாமில் ஒரு மக்களவை தொகுதிக்கு நடைபெற்ற இடைத்தேர்தலில் பாஜக அமோக வெற்றி பெற்றது. மேற்கு வங்க மாநிலம் நந்திகிராம் தொகுதியில் 80.69% வாக்குகள் பதிவான நிலையில், நேற்று வாக்கு எண்ணிக்கை நடைபெற்றது.
இதில், பாஜக வேட்பாளர் ஹாசி ராணி ரத் 1,64,427 வாக்குகளைப் பெற்று, காங்கிரஸ் வேட்பாளர் மிலன் பிரதானைத் தோற்கடித்து வெற்றி பெற்றார். பிரதான் 41,674 வாக்குகளுடன் இரண்டாம் இடத்தைப் பிடித்தார். அதேபோல், ரெஜிநகர் தொகுதியில் பாஜகவின் சார்பில் போட்டியிட்ட சங்கரவ் சர்க்கார் 1,29,914 வாக்குகளைப் பெற்று, ஆம் ஜனதா உன்னயன் கட்சி வேட்பாளர் குலாம் நபி ஆசாத்தை தோற்கடித்தார். குலாம் நபி ஆசாத் 54,098 வாக்குகளைப் பெற்றிருந்தார்.
இதனிடையே, காங்கிரஸ் எம்.பி. பிரத்யுத் போர்டோலோய் ராஜினாமா செய்ததால் அசாமின் நாகோன் மக்களவைத் தொகுதிக்கு இடைத் தேர்தல் நடத்தப்பட்டது. அதன் முடிவுகள் நேற்று வெளியாகின. இதில் பாஜக சார்பில் போட்டியிட்ட தேவாசிஷ் சர்மா, ஏஐயுடிஎஃப் தலைவர் பத்ருதீன் அஜ்மலை விட 1,46,180 வாக்குகள் வித்தியாசத்தில் அமோக வெற்றி பெற்றார். இடைத்தேர்தல்களில் வெற்றி பெற்ற பாஜக வேட்பாளர்களுக்கு பிரதமர் மோடி, மத்திய உள்துறை அமித்ஷா ஆகியோர் வாழ்த்து தெரிவித்தனர்.
