

புதுடெல்லி: குஜராத் கலவரத்தின்போது தன்னைக் கூட்டுப் பாலியல் வன்கொடுமை செய்த வழக்கில் ஆயுள் தண்டனை விதிக்கப்பட்ட இரண்டு குற்றவாளிகளுக்கு உச்ச நீதிமன்றம் ஜாமீன் வழங்கியதை எதிர்த்து சட்டப் போராட்டம் நடத்தப் போவதாக பில்கிஸ் பானு தெரிவித்துள்ளார். வழக்கறிஞர் மூலம் பில்கிஸ் பானு வெளியிட்டுள்ள அறிக்கையில், ‘‘ஆயுள் தண்டனை பெற்ற இரண்டு குற்றவாளிகளுக்கு உச்ச நீதிமன்றம் ஜாமீன் வழங்கியுள்ளது கடும் அதிர்ச்சியை ஏற்படுத்தியுள்ளது.
கடந்த 24 ஆண்டுகளாக நீதிக்காகப் போராடிப் பெற்ற வெற்றியை இழந்துவிட்டதைப் போல உணருகிறேன். குற்றவாளிகள் விடுவிக்கப்பட்டுள்ளதால், எனக்கும் என் குடும்பத்தினரின் பாதுகாப்புக்கும் மீண்டும் அச்சுறுத்தல் ஏற்பட்டுள்ளது. இந்த உத்தரவை எதிர்த்து மீண்டும் சட்டப் போராட்டம் நடத்துவேன்,’’ என்று் தெரிவித்துள்ளார்.