விவசாயிகளின் முக்கிய வருவாய் ஆதாரமாகும் பசுமை இல்லங்கள் - உத்தராகண்ட் அரசு ரூ.304 கோடி ஒதுக்கீடு

சென்னை: மலைகள் நிறைந்த உத்தராகண்ட் மாநிலத்தில் வேலைவாய்ப்புகளைப் பெருக்கும் வகையில் ஒரு லட்சம் பசுமை இல்லங்களை (Polyhouses) அமைக்க முதல்வர் புஷ்கர் சிங் தாமி தலைமையிலான கடைசி அமைச்சரவைக் கூட்டத்தில் ரூ.304 கோடி ஒதுக்க அனுமதி வழங்கப்பட்டுள்ளது.

வேலைவாய்ப்புக்கான ஆதாரம்: மாநிலத்தின் மலைகள் நிறைந்த பகுதிகளில் வேலைவாய்ப்புகளை அதிகரிக்க முதல்வர் தாமி தொடர்ந்து பணியாற்றி வருகிறார். இமாச்சலப் பிரதேசம் மாநிலத்தைப் போன்று விவசாயம் மற்றும் தோட்டக்கலைத் துறையை மாநிலத்தின் மலைப்பாங்கான மாவட்டங்களில் வேலைவாய்ப்புக்கான ஆதாரமாக மாற்ற வேண்டும் என்று பல்வேறு பொது மன்றங்கள் மூலம் தனதுஉறுதிப்பாட்டை வெளிப்படுத்தியுள்ளார்.

இந்த நிலையில் தற்போது பசுமை இல்லங்கள் தொடர்பாக மாநில அரசு ஒரு பெரிய முடிவை எடுத்துள்ளது.

மாநிலத்தில் கொத்துக் கொத்தாக சிறிய பசுமை இல்லங்களை அமைத்து அதன் மூலம் காய்கறிகள், பூக்களைச் சாகுபடி செய்வதற்கான திட்டத்தைச் செயல்படுத்த முடிவு செய்யப்பட்டுள்ளது. நபார்டு வங்கியின் திட்டத்தின் கீழ், 100 ச.மீ.பரப்பளவில் 17,648 பசுமை இல்லங்களை அமைக்க, விவசாயிகளுக்கு 70 சதவீத மானியம் வழங்கரூ.304 கோடிக்கு மாநில அமைச்சரவை ஒப்புதல் அளித்துள்ளது.

பொருளாதார நிலை மேம்படும்: இதன் மூலம் மாநிலத்தின் சுமார் ஒரு லட்சம் விவசாயிகள் நேரடி/மறைமுக சுயதொழில் பெறுவதோடு, அவர்களின் வருமானம் பெருகி, சமூக மற்றும்பொருளாதார நிலை மேம்படும், மலைப்பகுதிகளுக்கு இடம்பெயர்வதும் குறையும். அத்துடன் காய்கறிகள் உற்பத்தி 15 சதவீதமும், பூக்கள் உற்பத்தி 25 சதவீதமும் அதிகரிக்கும்.