ரூபாய் நோட்டு தட்டுப்பாடு காரணமாக பொதுமக்கள் சிரமத் துக்கு உள்ளாகியிருக்கும் நிலை யில், சபரிமலை அய்யப்பன் கோயிலில் பக்தர்கள் காணிக்கை செலுத்த வசதியாக மின்னணு முறையிலான உண்டியல் (இ-உண்டி) வசதி அறிமுகப்படுத் தப்பட்டுள்ளது.
சபரிமலை அய்யப்பன் கோயிலில் 2016-ம் ஆண்டுக்கான மண்டல பூஜையை முன்னிட்டு கடந்த 15-ம் தேதி நடை திறக்கப்பட்டது. ஜனவரி 20-ம் தேதி இந்தாண்டின் மகர விளக்கு விழா நிறைவு பெறும்.
இந்த 3 மாதங்களில் நாட்டின் பல்வேறு பகுதிகளில் இருந்தும் லட்சக்கணக்கான பக்தர்கள் விரத மிருந்து மாலையணிந்து, சபரி மலைக்கு வருவார்கள். கோயிலில் உண்டியல் காணிக்கையும் செலுத்துவார்கள்.
தற்போது மத்திய அரசின் பண மதிப்பு நீக்க நடவடிக்கையால், ரூபாய் நோட்டுகளுக்கு பெரும் தட்டுப்பாடு ஏற்பட்டுள்ளதால் பக்தர்கள் காணிக்கை செலுத்துவதில் சிரமம் ஏற்படும் சூழல் நிலவுகிறது.
இதனைக் கருத்தில்கொண்டு சபரிமலை அய்யப்பன் கோயிலில் மின்னணு முறையில் காணிக்கை செலுத்துவதற்கான இ-உண்டி திட்டம் அறிமுகப்படுத்தப்பட்டுள்ளது. இதுகுறித்து கோயில் நிர்வாகத்தை மேற்கொள்ளும் திருவாங்கூர் தேவஸ்தான போர்டு உறுப்பினர் அஜய் கூறும்போது,
‘‘டெபிட் கார்டுகள் மூலம் காணிக்கை செலுத்த எந்த வரம்பும் இல்லை. கிரெடிட் கார்டு மூலம் ஒரு கோடி ரூபாய் கூட, பக்தர்கள் செலுத்தலாம். மின்னணு முறையில் காணிக்கை பெறும் திட்டம், லட்சக்கணக்கான பக்தர்களுக்குப் பயன்படும். விரைவில் மற்ற இடங்களிலும் இவ்வசதி செய்யப்படும்’’ என்றார்.
கோயில் வளாகத்தில் இ-உண்டி திட்டத்துக்கான இயந் திரத்தை (ஸ்வைப் மெஷின்) ஆலப்புழா துணை கலெக்டர் சந்திரசேகர் நேற்று தொடங்கி வைத்தார்.