விவேகானந்தரின் சிகாகோ உரையை நினைவுகூர்ந்த பிரதமர் நரேந்திர மோடி

புதுடெல்லி: கடந்த1893-ம் ஆண்டு செப்டம்பர் 11-ம் தேதி அமெரிக்காவின் சிகாகோவில் நடைபெற்ற உலக மாநாட்டில் சுவாமி விவேகானந்தர் பங்கேற்று உரையாற்றினார். அவரது உரையை பிரதமர் நரேந்திர மோடி நினைவுகூர்ந்துள்ளார்.

இதுதொடர்பாக ட்விட்டரில் அவர் நேற்று வெளியிட்ட பதிவில் கூறியிருப்பதாவது: செப்டம்பர் 11-ம் தேதி, சுவாமி விவேகானந்தருடன் தொடர்புள்ள சிறப்பு தினமாகும். கடந்த1893-ம் ஆண்டு இதே நாளில்தான் சிகாகோவில் சுவாமி விவேகானந்தர் தலைசிறந்த உரை ஆற்றினார். அவரது உரை, இந்தியாவின் கலாச்சாரம் மற்றும் பண்பாடு குறித்த பார்வையை உலக நாடுகளுக்கு எடுத்துரைத்தது. இவ்வாறு அவர் தெரிவித்துள்ளார்.