பெங்களூரு கமாண்ட் மருத்துவமனையில் கேப்டன் வருண் சிங்குக்கு தீவிர சிகிச்சை

குன்னூர் அருகே ஹெலிகாப்டர் விபத்தில் படுகாயம் அடைந்து உயிர் தப்பிய விமானப்படை கேப்டன் பெங்களூரு கமாண்ட்மருத்துவமனையில் தீவிர சிகிச்சைப் பிரிவில் அனுமதிக்கப் பட்டுள்ளார்.

நீலகிரி மாவட்டம் குன்னூர் அருகே நிகழ்ந்த ஹெலிகாப்டர் விபத்தில் முப்படை தலைமை தளபதி பிபின் ராவத் உட்பட 13 பேர் உயிரிழந்தனர். ஹெலிகாப்டரை இயக்கியவர்களில் ஒருவரான விமானப்படை குரூப் கேப்டன்வருண் சிங் மட்டும் படுகாயங்களுடன் மீட்கப்பட்டார். அவருக்கு வெலிங்டனில் உள்ள ராணுவ மருத்துவமனையில் தீவிர சிகிச்சை அளிக்கப்பட்டது.

3 முக்கிய அறுவை சிகிச்சை

இந்நிலையில் அடுத்தக்கட்ட சிகிச்சைக்காக கேப்டன் வருண் சிங் நேற்று வெலிங்டனில் இருந்து பெங்களூருவுக்கு ஆம்புலன்ஸ் மூலம் கொண்டுவரப்பட்டார். அங்குள்ள ராணுவ கமாண்ட் மருத்துவமனையில் தீவிரசிகிச்சைப் பிரிவில் அனுமதிக்கப்பட்டுள்ளார். பலத்த தீக்காயங் களுடன் மீட்கப்பட்டுள்ள அவருக்கு 3 முக்கிய அறுவைசிகிச்சைகள் மேற்கொள்ளப்பட் டுள்ளதாக மருத்துவமனை வட்டாரம் தெரிவித்துள்ளது.

இதுகுறித்து மத்திய பாதுகாப்புத்துறை அமைச்சர் ராஜ்நாத் சிங் நேற்று நாடாளுமன்றத்தில் பேசுகையில், ‘‘கேப்டன் வருண் சிங் தற்போதுஉயிர் காக்கும் கருவியின் உதவியுடன் சிகிச்சைப் பெற்றுவருகிறார். அவரது உயிரை காப்பாற்ற எல்லாவிதமான முயற்சிகளும் மேற்கொள்ளப்பட்டுள் ளது'' என தெரிவித்துள்ளார்.

இந்நிலையில் கேப்டன் வருண் சிங்கின் தந்தை கர்னல் கே.பி.சிங் (ஓய்வு) தனது மகனை பார்ப்பதற்காக பெங்களூரு வந்தடைந்தார். கமாண்ட் மருத்துவர்களை சந்தித்து சிகிச்சை விபரங்கள் குறித்து கேட்டறிந்தார்.

பின்னர் கர்னல் கே.பி.சிங் கூறும்போது, ‘‘தற்போதைய நிலை யில் எதையும் கூற முடியாது. எனக்கு எதுவும் தெளிவாக தெரியவில்லை. கேப்டன் வருண் சிங் ஆபத்தான நிலையில் இருக் கிறார். மருத்துவர்கள் அவருக்கு தேவையான அனைத்து தீவிர சிகிச்சைகளையும் வழங்கி வருவ தாக கூறினர்''என்றார்.