Published : 03 Dec 2021 03:06 am

Updated : 03 Dec 2021 06:59 am

 

Published : 03 Dec 2021 03:06 AM
Last Updated : 03 Dec 2021 06:59 AM

திருப்பதி மலைப்பாதை சேதம்: ஐஐடி ஆய்வு குழு எச்சரிக்கை

tirupati-road-damaged

திருமலை

திருப்பதியிலிருந்து திரு மலைக்கு செல்லும் 2-வது மலைப் பாதையில் கடந்த புதன்கிழமை குன்றுகள் சரிந்து போக்குவரத்து அடியோடு பாதிக்கப்பட்டது. அதனால்2-வது மலைப்பாதை மூடப்பட்டுள்ளது. தற்போது முதலாவது மலைப் பாதையிலேயே வாகனங்கள் அனுமதிக்கப்படுகின்றன.

கன மழைக்கு திருமலையின் 2-வது மலைப்பாதையில் 14 இடங் களில் சேதம் ஏற்பட்டுள்ளதாக நேற்று வந்திருந்த டெல்லி ஐஐடி குழுவினர் கண்டறிந்துள்ளனர். இதில், 4 இடங்களில் மோசமான பாதிப்பு ஏற்பட்டுள்ளதாகவும், இதனால், முற்றிலும் பாதை சரி செய்யப்படும் வரை வாகன போக்குவரத்தை நிறுத்த வேண்டு மெனவும், மீறினால் ஆபத்து நிச்சயம் என்றும் டெல்லி ஐஐடி குழு கருத்து தெரிவித்துள்ளது.

இதனால், தேவஸ்தானம் 3-வது மலைப்பாதையை அமைக்கும் திட்டத்தையும் ஆலோசித்து வருகிறது. ஏற்கெனவே திருப்பதி யிலிருந்து திருமலைக்கு ‘ரோப் கார்’ திட்டம், இழுவை ரயில் திட்டம் குறித்து ஆலோசிக்கப்பட்டது. ஆனால் பல காரணங்களால் கைவிடப்பட்டன.

தற்போது 2-வது மலைப்பாதையில் கற்கள் சரிந்து விழுந்து அதிர்ச்சியை உண்டாக்கி வருவதால், 3-வது மலைப்பாதை அமைக்க மீண்டும் ஆலோசனை நடத்தப்படும் என அறங்காவலர் குழு தலைவர் ஒய்.வி. சுப்பாரெட்டி கூறியுள்ளார்.

திருப்பதி மலைப்பாதைமலைப்பாதை சேதம்Tirupati Road DamagedTirupati RoadTirupati

Sign up to receive our newsletter in your inbox every day!

More From This Category

More From this Author

x