Published : 19 Jul 2021 13:19 pm

Updated : 19 Jul 2021 13:19 pm

 

Published : 19 Jul 2021 01:19 PM
Last Updated : 19 Jul 2021 01:19 PM

மத்தியப் பல்கலைக்கழகங்களில் இந்த ஆண்டு பொது நுழைவுத்தேர்வு இல்லை: யுஜிசி அறிவிப்பு

no-common-entrance-test-for-admission-in-central-universities-this-year-ugc
கோப்புப்படம்

புதுடெல்லி

கரோனா வைரஸ் பரவல் காரணமாக, மத்தியப் பல்கலைக்கழங்களில் இந்த ஆண்டு பொது நுழைவுத்தேர்வு கிடையாது. 2021-22ஆம் ஆண்டுக்கான மாணவர் சேர்க்கை கடந்த ஆண்டு கடைப்பிடித்தபடியே நடைபெறும் என்று பல்கலைக்கழக மானியக் குழு (யுஜிசி) தெரிவித்துள்ளது.

அதேசமயம், 2022-23ஆம் ஆண்டு கல்வி ஆண்டில் மாணவர் சேர்க்கை மத்திய பல்கலைக்கழங்களில் பொது நுழைவுத்தேர்வு அடிப்படையில் நடக்கவும் வாய்ப்புள்ளது என்றும் தெரிவிக்கப்பட்டுள்ளது.


இது தொடர்பாக பல்கலைக்கழக மானியக் குழு வெளியிட்ட அறிவிக்கையில் கூறியிருப்பதாவது:

''2021-22ஆம் கல்வியாண்டுக்கான மாணவர் சேர்க்கை செப்டம்பர் 30-ம் தேதிக்குள் முடிக்கப்பட வேண்டும். அக்டோபர் 1-ம் தேதி முதல் கல்வியாண்டு தொடங்கப்பட வேண்டும். நடப்புக் கல்வியாண்டுக்கான தேர்வு (2020-21) கண்டிப்பாக ஆஃப் லைனில் (எழுத்துத் தேர்வு) அல்லது ஆன்லைனில் 2021 ஆகஸ்ட் 31-ம்தேதிக்கு மிகாமல் கரோனா தடுப்பு விதிகளைப் பின்பற்றி நடத்தி முடிக்க வேண்டும்.

12-ம் வகுப்புத் தேர்வு முடிவுகள் ஜூலை 31-ம் தேதி அறிவிக்கப்படும் என எதிர்பார்க்கப்படுகிறது. ஒருவேளை தேர்வு முடிவுகளை அறிவிப்பதில் தாமதம் ஏதும் ஏற்பட்டால், கல்வியாண்டு தொடங்கும் தேதி அக்டோபர் 18-ம் தேதிக்கு மாற்றி அமைக்கப்படலாம். மாணவர்களுக்கான கற்றல் முறை வழக்கம்போல் ஆன்லைன், ஆஃப் லைன் எனக் கலந்து கற்பிக்கப்படும்''.

இவ்வாறு அதில் தெரிவிக்கப்பட்டுள்ளது.


தவறவிடாதீர்!

No common entrance testCentral universitiesUniversity Grants CommissionCentral UniversitiesAcademic session 2021-22COVID-19 pandemicகரோனா வைரஸ்பொது நுழைவுத் தேர்வு

Sign up to receive our newsletter in your inbox every day!

More From This Category

More From this Author

x