Published : 03 Jun 2021 03:12 am

Updated : 03 Jun 2021 06:14 am

 

Published : 03 Jun 2021 03:12 AM
Last Updated : 03 Jun 2021 06:14 AM

தினமும் இரவு 8 மணி வரை மட்டுமே திருப்பதி ஏழுமலையான் தரிசனம்

tirupati-temple-darshan

திருமலை

திருப்பதி ஏழுமலையான் கோயிலில் இரவு 8 மணி வரை மட்டுமே பக்தர்கள் தரிசனத்திற்கு அனுமதிக்கப்படுவார்கள் என தேவஸ்தான கூடுதல் நிர்வாக அதிகாரி தர்மா ரெட்டி தெரிவித்துள்ளார்.

திருமலையில் உள்ள அன்னமய்யா பவனில் திருமலை திருப்பதி தேவஸ்தான கூடுதல் நிர்வாக அதிகாரி தர்மா ரெட்டி நேற்று மாலை செய்தியாளர்களிடம் கூறியதாவது:


கரோனா பரவலால் பக்தர்களின் எண்ணிக்கை வெகுவாக குறைக்கப்பட்டுள்ளது. தற்போது ஆன்லைனில் முன்பதிவு செய்து கொண்ட 5 ஆயிரம் பக்தர்களுக்கு மட்டுமே தினமும் அனுமதி வழங்கப்படுகிறது. இது மேலும் அதிகரிக்கப்பட வேண்டுமா ? இல்லையா ? என்பது குறித்து விரைவில் முடிவெடுக்கப்படும். திருப்பதியில் இருந்து திருமலைக்கு செல்லும் அலிபிரி மலைப்பாதையில் பராமரிப்பு பணிகள் நடைபெற்று வருவதால் ஜூலை 31-ம் தேதி வரை இந்தப் பாதை மூடப்பட்டுள்ளது. இப்பணிகளை விரைந்து முடிக்க உத்தரவிடப்பட்டுள்ளது.

ஆகவே பக்தர்கள் வாரி மெட்டு பகுதி வழியாக திருமலைக்கு நடந்து சென்று சாமி தரிசனம் செய்ய காலை 6 மணி முதல் மாலை 4 மணி வரை திருப்பதி ரயில் நிலையம் மற்றும் அலிபிரி அருகே இருந்து இலவச பஸ் வசதி ஏற்படுத்தப்பட்டுள்ளது. பக்தர்களின் எண்ணிக்கை குறைவாக இருப்பதால் திருப்பதி ஏழுமலையான் கோயில் நடை இரவு 9 மணிக்கு ஏகாந்த சேவைக்குப் பின்னர் அடைக்க முடிவு செய்யப்பட்டுள்ளது. இதனால் பக்தர்கள் இரவு 8 மணி வரை மட்டுமே தரிசனத்திற்கு அனுமதிக்கப்படுவார்கள்.

இவ்வாறு அதிகாரி தர்மா ரெட்டி கூறினார்.



திருப்பதி ஏழுமலையான் தரிசனம்திருப்பதிதிருப்பதி ஏழுமலையான் கோயில்தர்மா ரெட்டிTirupati temple darshan

Sign up to receive our newsletter in your inbox every day!

More From This Category

More From this Author

x