Published : 02 May 2021 16:06 pm

Updated : 02 May 2021 16:06 pm

 

Published : 02 May 2021 04:06 PM
Last Updated : 02 May 2021 04:06 PM

நந்திகிராமில் மம்தா பானர்ஜி 3,200 வாக்குகள் வித்தியாசத்தில்   முன்னிலை

mamata-ahead-of-adhikari-by-around-3-200

கொல்கத்தா

மேற்குவங்க மாநில சட்டப்பேரவைத் தேர்தலில் நந்திகிராம் தொகுதியில் முதல்வர் மம்தா பானர்ஜி தற்போது பாஜக வேட்பாளர் சுவேந்து அதிகாரியை விடவும் 3,200 வாக்குகள் அதிகம் பெற்று முன்னிலை பெற்றுள்ளார்.

மேற்கு வங்க சட்டப்பேரவையின் மொத்தமுள்ள 294 தொகுதிகளுக்கு 8 கட்டங்களாக தேர்தல்கள் நடத்தப்பட்டன. மேற்குவங்கத்தில் 8-வது கட்ட வாக்குப்பதிவு ஏப்ரல் 29-ம் தேதி நடைபெற்றது.


இந்தத் தேர்தலில் மூன்றாவது முறையாக ஆட்சியைத் தக்கவைக்க ஆளும் மம்தா பானர்ஜி தலைமையிலான திரிணமூல் காங்கிரஸ் கட்சி கடுமையாகப் போராடி வருகிறது.

அதேநேரத்தில் மம்தாவுக்கு கடும் நெருக்கடியும், சவால்களையும் அளித்துவரும் பாஜக ஆட்சியைப் பிடிக்க பல்வேறு திட்டங்கள் தீட்டி, காய்களை நகர்த்தி வருகிறது. இந்தத் தேர்தலில் இரு கட்சிகளுக்கும் இடையே கடும் போட்டி நிலவி வருகிறது.

நந்திகிராம் தொகுதியில் மம்தா பானர்ஜியை எதிர்த்து சுவேந்து அதிகாரி பாஜக சார்பில் போட்டியிடுகிறார். நந்திகிராமில் சுவேந்து அதிகாரிக்கான செல்வாக்கு வலுவானது . நந்திகிராமில் கடந்த 2007ல் ரசாயன ஆலைக்கு எதிரான நந்திகிராம் போராட்டத்தை முன்னெடுத்தவர் சுவேந்து அதிகாரி. இதனால், நந்திகிராம் தொகுதியில் மம்தா பானர்ஜிக்கு சுவேந்து அதிகாரி கடும் சவாலாக இருந்தார்.

மேற்குவங்க தேர்தலில் பதிவான வாக்குகள் எண்ணப்பட்டு வருகின்றன. மேற்குவங்கத்தில் வாக்கு எண்ணிக்கையில் திரிணமூல் காங்கிரஸ், பாஜகவை விடவும் இரண்டு மடங்கு கூடுதல் தொகுதிகளில் முன்னிலை பெற்றுள்ளது.

பிற்பகல் நிலவரப்படி வாக்கு எண்ணிக்கையில் ஆளும் திரிணமூல் காங்கிரஸ் 209 இடங்களிலும், பாஜக 81 இடங்களிலும் முன்னிலையில் உள்ளன.

நந்திகிராம் தொகுதியில் முதல்வர் மம்தா பானர்ஜி தொடக்கத்தில் பின்தங்கினார். எனினும் தற்போது நிலைமை மாறியது. பாஜகவின் சுவேந்து அதிகாரியை விடவும் 3,200 வாக்குகள் கூடுதலாக மம்தா பானர்ஜி பெற்றுள்ளார்.

தவறவிடாதீர்!


கொல்கத்தாநந்திகிராம்மம்தா பானர்ஜி#AssemblyElections2021#ElectionResults2021#TNResultsWithHinduTamil#May2withHinduTamil

Sign up to receive our newsletter in your inbox every day!

More From This Category

More From this Author

x