Published : 29 Nov 2020 10:28 am

Updated : 29 Nov 2020 10:36 am

 

Published : 29 Nov 2020 10:28 AM
Last Updated : 29 Nov 2020 10:36 AM

சத்தீஸ்கரில் மாவோயிஸ்ட்டுகளின் கன்னிவெடியில் சிக்கி சிஆர்பிஎஃப் கமாண்டர் பலி: 9 பேர் காயம்

cobra-officer-killed-9-commandos-injured-in-naxal-triggered-ied-blast-in-chhattisgarh
கோப்புப்படம்

ராய்ப்பூர்

சத்தீஸ்கர் மாநிலம், சுக்மா மாவட்டத்தில் மாவோயிஸ்ட்டுகள் வைத்திருந்த கன்னிவெடியில் சிக்கி சிஆர்பிஆஃப் அதிகாரி (கோப்ரா பிரிவு) ஒருவர் பலியானார். 9 வீரர்கள் படுகாயமடைந்தனர் என்று சிஆர்பிஎஃப் பிரிவினர் தகவல் தெரிவித்துள்ளனர்.

சுக்மா மாவட்டத்தில் உள்ள சின்தால்நார் வனப்பகுதியில் சிஆர்பிஎஃப் வீரர்கள் நேற்று ரோந்து சென்றனர். அப்போது, இரவு 9 மணி அளவில் நிலத்தில் வைக்கப்பட்டிருந்த சக்திவாய்ந்த கன்னிவெடி வெடித்ததில் சிஆர்பிஎஃப் கமாண்டர் மற்றும் 9 வீரர்கள் படுகாயமடைந்தனர்.


சம்பவ இடத்துக்கு உடனடியாக எம்ஐ-17 வி5 ஹெலிகாப்டர் வரவழைக்கப்பட்டு, காயமடைந்த வீரர்கள் சிகிச்சைக்காக மருத்துவமனையில் அனுமதிக்கப்பட்டனர்.

துணை கமாண்டர் நிதின் பலேராவ் (வயது 33) உள்ளிட்ட 10 கமாண்டோ வீரர்கள் இந்தத் தாக்குதலில் காயமடைந்தனர். இதில் 7 கமாண்டோ வீரர்கள் ராய்ப்பூரில் உள்ள மருத்துவமனையிலும், இருவர் சின்தால்நார் மருத்துவமனையிலும் அனுமதிக்கப்பட்டுள்ளனர்.

இதில் சிகிச்சை பலன் அளிக்காமல் துணை கமாண்டர் நிதின் பலேராவ் இன்று அதிகாலையில் உயிரிழந்தார். நிதின் பலேராவ், மகாராஷ்டிர மாநிலத்தைச் சேர்ந்தவர். கடந்த 2010-ல் சிஆர்பிஎஃப் பிரிவில் சேர்ந்த இவர், 2019-ல் கோப்ரா பிரிவுக்கு மாற்றப்பட்டார்.

சிஆர்பிஎஃப் பிரிவின் கமாண்டோ கோப்ரா பிரிவின் 206-வது பட்டாலியன் பிரிவினர், மாவோயிஸ்ட் ஒழிப்பில் ஈடுபட்டு வருகின்றனர். இவர்களுடன் இணைந்து சத்தீஸ்கர் போலீஸாரும் பணியில் ஈடுபட்டு வருகின்றனர்.

தவறவிடாதீர்!


ChhattisgarhCoBRA officerIED blastNaxal triggered IED blast9 commandos injuredசிஆர்பிஎப் வீரர்கள் காயம்கமாண்டர் உயிரிழப்புமாவோயிஸ்ட்கள்கன்னிவெடித் தாக்குதல்

Sign up to receive our newsletter in your inbox every day!

You May Like

More From This Category

More From this Author

x