Published : 18 Oct 2020 12:48 pm

Updated : 18 Oct 2020 12:48 pm

 

Published : 18 Oct 2020 12:48 PM
Last Updated : 18 Oct 2020 12:48 PM

நீதிபதிகள் தங்கள் முடிவுகளில் அச்சமின்றி இருக்க வேண்டும்:  உச்ச நீதிமன்ற நீதிபதி ரமணா பேச்சு

judges-should-be-fearless-in-their-decisions-sc-s-justice-n-v-ramana
உச்ச நீதிமன்ற நீதிபதி என்.வி.ரமணா.

புதுடெல்லி

நீதிபதிகள் தங்கள் முடிவுகளில் அச்சமின்றி இருக்க வேண்டும் என்று உச்ச நீதிமன்ற நீதிபதி என். வி. ரமணா தெரிவித்துள்ளார்.

உச்ச நீதிமன்ற நீதிபதி என். வி. ரமணா மீது குற்றம்சாட்டி ஆந்திர முதல்வர் ஒய்.எஸ்.ஜெகன் மோகன் ரெட்டி சமீபத்தில் உச்சநீதிமன்ற நீதிபதி எஸ்.ஏ.போப்தேவுக்கு கடிதம் எழுதி இருந்தார். அதன்பிறகு ரமணா முதன்முதலாக நேற்று ஒரு பொது நிகழ்ச்சியில் கலந்துகொண்டு பேசினார். அதில் நீதிபதிகள் அச்சமின்றி செயலாற்றுவது குறித்து விரிவாக பேசினார். நிகழ்ச்சியில் பங்கேற்று நீதிபதி ரமணா பேசியதாவது:


நீதித்துறையின் மிகப்பெரிய பலம் மக்கள் கொண்டுள்ள நம்பிக்கைதான். நம்பிக்கை மற்றும் ஏற்றுக்கொள்ளல் யாரும் கட்டளையிட்டு வருவதில்லை. அது நீதிபதிகள் ஈட்டும் நற்பெயரில் உள்ளது.

எனவே, நீதிபதிகள் தங்கள் கொள்கைகளை கடைப்பிடிப்பதில் உறுதியுடன் இருக்க வேண்டும். அனைத்து அழுத்தங்களையும் முரண்பாடுகளையும் தாங்கிக்கொண்டு அவர்களின் முடிவுகளில் அச்சமின்றி இருக்க வேண்டும்.

ஒரு நபர் ஒரு நல்ல வாழ்க்கையை வாழ்வதற்கு பணிவு, பொறுமை, இரக்கம், ஒரு வலுவான பணி நெறிமுறை மற்றும் தன்னை தொடர்ந்து கற்றுக்கொள்வதற்கும் மேம்படுத்துவதற்கும் உற்சாகம் உள்ளிட்ட எண்ணற்ற குணங்கள் உள்ளன. மிக முக்கியமாக ஒரு நீதிபதி தங்கள் கொள்கைகளை கடைப்பிடிப்பதில் உறுதியுடன் இருக்க வேண்டும், அவர்களின் முடிவுகளில் அச்சமின்றி இருக்க வேண்டும். ஒரு நீதிபதி அனைத்து அழுத்தங்களையும், முரண்பாடுகளையும் தாங்கி தைரியமாக எழுந்து நிற்பது ஒரு முக்கியமான பண்பு.

மறைந்த நீதிபதி லட்சுமணனை இங்கே நினைவுகூர கடமைப்பட்டுள்ளோம். தற்போதைய காலங்களில் தேவைப்படும் ஒரு துடிப்பான நீதித்துறையை உருவாக்க நாம் முயற்சிக்க வேண்டும் என்று அவர் கூறியுள்ளார். நாம் அனைவரும் மறைந்த நீதிபதி ஏ.ஆர்.லட்சுமணன் வார்த்தைகளிலிருந்து உத்வேகம் பெற வேண்டும்,

நீதிபதி லட்சுமணன், நாடு கண்ட சிறந்த நீதிபதிகளில் ஒருவராக இருப்பதற்குத் தேவையான அனைத்து குணங்களையும் பெற்றிருந்தார் என்று நான் நம்புகிறேன்.

இறுதியில் நம் மதிப்பார்ந்த விழுமியங்களே நமது மிகப் பெரிய செல்வம், அதை நாம் ஒருபோதும் மறந்துவிடக் கூடாது. நீதிபதி லட்சுமணன் மக்களின் நன்மதிப்பை பெற்றவர். ஒரு நல்ல மனிதராகவும் மற்றும் நல்ல நீதிபதி எப்படி இருக்கவேண்டும் என்பதை அவரிடமிருந்து நான் பெரிதும் கற்றுக்கொண்டேன்.

தமிழ்நாட்டைச் சேர்ந்த நீதிபதி லட்சுமணன் 1990 ல் சென்னை உயர்நீதிமன்றத்தின் நிரந்தர நீதிபதியாக நியமிக்கப்பட்டார், அவர் ராஜஸ்தான் உயர்நீதிமன்றத்தின் தலைமை நீதிபதியாகவும், ஆந்திர மாநில உயர்நீதிமன்றத்தின் தலைமை நீதிபதியாகவும் பணியாற்றினார். அவர் 2002 இல் உச்சநீதிமன்ற நீதிபதியாக உயர்த்தப்பட்டார் மற்றும் 2007 -ம் ஆண்டில் அவரது அதிகாரம் வரை பணியாற்றினார்.

உச்சநீதிமன்ற நீதிபதியாக இருந்த காலத்தில், நீதிபதி லட்சுமணன் பல அரசியலமைப்பு அமர்வுகளின் ஒரு பகுதியாக இருந்தார். மேலும் வரிவிதிப்பு, மத நிறுவனங்களின் மேலாண்மை, அரசு ஊழியர் பிரச்சினைகள், தொழிலாளர் சட்டங்கள் மற்றும் பணியாளர் நலன் உள்ளிட்ட பரந்த அளவிலான பிரச்சினைகளைத் தொட்டு 200 க்கும் மேற்பட்ட தீர்ப்புகளில் பங்களித்தார்.

ஓய்வு பெற்ற பின்னர், இந்தியாவின் 18 வது சட்ட ஆணையத்தின் தலைவராக நியமிக்கப்பட்டு, நாட்டில் நீதித்துறை முறையை மேம்படுத்த பல்வேறு நடவடிக்கைகளை பரிந்துரைத்து 32 விரிவான அறிக்கைகளை இந்திய அரசிடம் சமர்ப்பித்தார்.

இவ்வாறு உச்ச நீதிமன்ற நீதிபதி என்.வி.ரமணா தெரிவித்தார்.

தவறவிடாதீர்!

என்.வி.ரமணாஉச்ச நீதிமன்ற நீதிபதிஉச்ச நீதிமன்ற தலைமை நீதிபதிஜெகமன்மோகன் ரெட்டிஆந்திர முதல்வர்நீதிபதி ஏ.ஆர.லட்சுமணன்

Sign up to receive our newsletter in your inbox every day!

You May Like

More From This Category

More From this Author

x