ஐ.எஸ் தீவிரவாதிகளுக்கு உதவியதாக கேரளாவில் 4 பேர் கைது

ஐ.எஸ். தீவிரவாதிகளுக்கு உதவியதாக கேளராவைச் சேர்ந்த 4 இளைஞர்கள் கைது செய்யப்பட்டனர்.

ஐ.எஸ் தீவிரவாதிகளுடன் தொடர்பு வைத்திருந்து அவர்களுக்கு உதவியதாக இந்தியாவை சேர்ந்த 4 பேரை ஐக்கிய அரபு அமீரகம் நாடு கடத்தியது. கேரளாவைச் சேர்ந்த இவர்களில் இருவர் இன்று திருவனந்தபுரம் விமான நிலையத்துக்கு வந்தபோது கைது செய்யப்பட்டனர்.

மற்றும் இருவரை கோழிக்கோடு விமான நிலையத்தில் வைத்து போலீஸார் கைது செய்தனர். இவர்கள் 4 பேரையும் கேரள போலீஸார் விசாரித்து வருகின்றனர்.

கடந்த சில தினங்களுக்கு முன்பு இதேபோல, அபுதாபியிலிருந்து இந்தியாவுக்கு பெண் ஒருவர் நாடு கடத்தப்பட்டார். இவரை ஹைதராபாத் போலீஸார் விசாரித்து வருகின்றனர் என்பது கவனிக்கத்தக்கது.