Published : 29 Jun 2020 07:59 am

Updated : 29 Jun 2020 07:59 am

 

Published : 29 Jun 2020 07:59 AM
Last Updated : 29 Jun 2020 07:59 AM

உலகம் முழுவதும் 2018-ம் ஆண்டில் 27 கோடி பேருக்கு போதை பழக்கம்: ஐ.நா. அலுவலக ஆய்வில் தகவல்

drug-addiction

புதுடெல்லி

போதைப் பொருள் மற்றும் குற்றங்கள் தடுப்பு நடவடிக்கைகளுக்கான ஐக்கிய நாடுகள் சபை தலைமை அலுவலகம் ஆஸ்திரியாவின் வியன்னாவில் உள்ளது. உலகளவில் போதைப் பொருட்கள் பயன்பாடு தொடர்பான அறிக்கையை சமீபத்தில் அது வெளியிட்டுள்ளது. அந்த அறிக்கையில் கூறியிருப்பதாவது:

கடந்த 2018-ம் ஆண்டில் உலகளவில் போதைப் பொருட்களை பயன்படுத்தும் பழக்கம் 26.9 கோடிபேருக்கு இருந்துள்ளது. இது கடந்த 2009-ம் ஆண்டில் இருந்ததை விட 30 சதவீதம் அதிகம். விடலைப் பருவத்தினரும் இளைஞர்களும் அதிகளவில் போதைப்பொருட்களை பயன்படுத்துகின்றனர். 2004-ம் ஆண்டில் நடந்த ஆய்வுகளோடு ஒப்பிட்டால் ஓபியாய்ட் என்ற போதைப் பொருளின் பயன்பாடு இந்தியாவில் 5 மடங்கு அதிகரித்துள்ளது.

கடந்த 2009-ம் ஆண்டுக்கும் 2018-ம் ஆண்டுக்கும் இடையேஉலகம் முழுவதும் கைப்பற்றப்பட்ட போதைப் பொருட்களின் எண்ணிக்கை 4 மடங்கு அதிகரித்துள்ளது. பல்வேறு போதைப் பொருட்கள் இருந்தாலும் ஹெராயின் மற்றும் கொகைன் ஆகிய போதைப் பொருட்கள் அதிகளவில் பயன்படுத்தப்படுகின்றன. இந்த 2 போதைப் பொருட்களும் அதிகமாக உற்பத்தி செய்யப்படுகின்றன.

உலகளவில் போதைப் பொருள் சந்தையில் மாற்றம் ஏற்பட்டுவருகிறது. மத்திய ஆசியாவிலும்ரஷ்ய கூட்டமைப்பு நாடுகளிலும் ஓபியாய்டுக்கு மாற்றாக சிந்தெடிக்ஸ் வகை போதைப் பொருட்கள் அதிகளவில் பயன்படுத்தப்படுகின்றன. கடந்த 2008-ல் இருந்து2018 வரை ரஷ்யாவில் ஓபியாய்டு போதை பொருட்களுக்கான சந்தை 80 சதவீதம் சரிந்துள்ளது.

இவ்வாறு அதில் கூறப்பட்டுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை


Drug addictionஐ.நா27 கோடி பேருக்கு போதை பழக்கம்

Sign up to receive our newsletter in your inbox every day!

You May Like

More From This Category

More From this Author