இந்தியாவில் கரோனா பாதிப்பு; குணமடைந்தவர்கள் எண்ணிக்கை அதிகரிப்பு

இந்தியாவில் நோயாளிகளுக்கும், குணமடைந்தவர்களுக்கும் இடையேயான இடைவெளி தொடர்ந்து அதிகரிக்கிறது.

இதுகுறித்து மத்திய சுகாதார அமைச்சகம் தரப்பில் தெரிவிக்கப்பட்டுள்ளதாவது:

அதிக மக்கள் தொகை இருந்தும், தொற்று பாதிக்கப்பட்டவர்கள் குறைவாக இருக்கும் நாடுகளில் இந்தியாவும் ஒன்று என ஜூன் 21, 2020-ம் தேதி வெளியிடப்பட்ட உலக சுகாதார மையத்தின் 153வது நிலவர அறிக்கையில் தெரிவிக்கப்பட்டுள்ளது.

இந்தியாவில் ஒரு லட்சம் பேருக்கு பாதிக்கப்பட்டோர் எண்ணிக்கை 30.04 ஆக உள்ளது. ஆனால், உலக அளவில் பாதிக்கப்பட்டோரின் சராசரியோ, இந்தியாவை விட 3 மடங்குக்கும் அதிகமாக 114.67 என்ற அளவில் உள்ளது. அமெரிக்காவில் பாதிப்பு அளவு ஒரு லட்சம் பேருக்கு 671.24 ஆக உள்ளது. ஜெர்மனி, ஸ்பெயின், மற்றும் பிரேசில் ஆகிய நாடுகளில் முறையே 583.88, 526.22 மற்றும் 489.42 என்ற அளவில் உள்ளது.

கொவிட்-19 தடுப்பு, கட்டுப்பாடு மற்றும் நிர்வாகத்தில், மத்திய அரசு மாநில அரசுகளுடன் இணைந்து தரமான, ஆக்கப்பூர்வமான அணுகு முறையை முன்கூட்டியே பின்பற்றியது, இந்த எண்ணிக்கை குறைவுக்கு சாட்சியமாக உள்ளது.

இதுவரை, மொத்தம் 2,37,195 நோயாளிகள் கொவிட்-19 பாதிப்பிலிருந்து குணமடைந்துள்ளனர். கடந்த 24 மணி நேரத்தில், மொத்தம் 9,444 கொவிட்-19 நோயாளிகள் குணமடைந்துள்ளனர். குணமடையும் வீதம் 55.77 சதவீதமாக உள்ளது.

தற்போது, 1,74,387 நோயாளிகள் தீவிர மருத்துவக் கண்காணிப்பிலும், சிகிச்சையிலும் உள்ளனர். குணமடைந்தவர்களுக்கும், கோவிட்-19 நோயாளிகளுக்கும் இடையேயான வித்தியாசம் தொடர்ந்து அதிகரித்து வருவதை கீழேயுள்ள வடைபடம் மூலம் பார்க்கலாம். இன்று குணமடைந்தவரகளின் எண்ணிக்கை, மருத்துவ மனையில் சேர்ந்த நோயாளிகளின் எண்ணிக்கையை விட 62,808 கடந்தது.

கொவிட்-19 பரிசோதனைக் கட்டமைப்பும் தொடர்ந்து அதிகரித்து வருகிறது. அரசு பரிசோதனைக் கூடங்களின் எண்ணிக்கை 723 ஆகவும், தனியார் பரிசோதனைக் கூடங்களின் எண்ணிக்கை 262 ஆகவும், ஆக மொத்த 985 ஆக அதிகரித்துள்ளன.

இவ்வாறு சுகாதார அமைச்சகம் தெரிவித்துள்ளது.