Published : 22 Jun 2020 07:51 am

Updated : 22 Jun 2020 07:51 am

 

Published : 22 Jun 2020 07:51 AM
Last Updated : 22 Jun 2020 07:51 AM

24 மணி நேரத்தில் 76 கிலோ பால் தந்து ஹரியாணா மாநில பசு சாதனை

magical-cow-gives-76-kg-milk-per-day
ஹரியாணாவில் 24 மணி நேரத்தில் 76.61 கிலோ பால் கொடுத்து சாதனை படைத்த பசு ஜோகன். (கோப்புப் படம்).

சண்டிகர்

ஹரியாணா மாநிலம் கர்னாலில் உள்ள தேசிய பால் ஆராய்ச்சி இன்ஸ்டிடியூட்டை (என்டிஆர்ஐ) சேர்ந்த விஞ்ஞானி விகாஸ் வோரா கூறியதாவது: நெதர்லாந்தின் ஹோல்ஸ்டெயின் பிரைசியான் இனத்தைச் சேர்ந்த ஜோகன் என்ற பசு கர்னாலில் உள்ளது. இது 24 மணி நேரத்தில் 76.61 கிலோ லிட்டர் பால் கொடுத்து சாதனை படைத்துள்ளது. இதற்கு முன்பு கர்னாலில் ஒரு பசு 65 கிலோ, பஞ்சாபில் ஒரு பசு 72 கிலோ பால் கொடுத்ததே சாதனையாக இருந்தது. தற்போது அந்த 2 சாதனைகளையும் இந்த பசு முறியடித்துள்ளது. கர்னாலின் நிலோகேரி பிளாக் கலிப் கேரி கிராமத்தைச் சேர்ந்த பல்தேவ் சிங் என்பவருக்கு சொந்தமான பசு இது.

இந்த பசுவுக்கு 4 வயதாக இருந்தபோது 24 மணி நேரத்தில் 42 கிலோ பால் தந்து சாதனை படைத்தது. தற்போது 76.61 கிலோ லிட்டர் பால் கொடுத்து புதிய சாதனையை படைத்துள்ளது. இங்குள்ள கால்நடைக் கொட்டிலில் உள்ள 70 பசுக்களில் இந்த பசுதான் அதிக அளவில் பால் தருகிறது. இதற்காக பல்வேறு விருதுகளையும் இது வென்றுள்ளது. பஞ்சாபின் பட்டாலாவில் இந்த ஆண்டு நடைபெற்ற தேசிய வைக்கோல் போட்டி மற்றும் விவசாயக் கண்காட்சியில் இந்த பசு 66.20 கிலோ பால் கொடுத்து சாதனை படைத்தது. இவ்வாறு அவர் கூறினார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

24 மணி நேரத்தில் 76 கிலோ பால்ஹரியாணா மாநில பசுதேசிய பால் ஆராய்ச்சி இன்ஸ்டிடியூட்விஞ்ஞானி விகாஸ் வோரா

Sign up to receive our newsletter in your inbox every day!

You May Like

More From This Category

More From this Author