Published : 22 Jun 2020 07:13 am

Updated : 22 Jun 2020 07:13 am

 

Published : 22 Jun 2020 07:13 AM
Last Updated : 22 Jun 2020 07:13 AM

உலகின் 10 பெரும் பணக்காரர்கள் பட்டியலில் முகேஷ் அம்பானி

mukesh-ambani

புதுடெல்லி

உலகின் 10 பெரும் பணக்காரர்கள் பட்டியலில் இடம்பிடித்துள்ளார் ரிலையன்ஸ் இண்டஸ்ட்ரீஸ் தலைவர் முகேஷ் அம்பானி. இவரது சொத்து மதிப்பு 6,450 கோடி டாலராக உயர்ந்துள்ளது. இதுவரை ஆசிய பிராந்தியத்தில் பெரும் பணக்காரர் பட்டியலில் இடம்பெற்று வந்த முகேஷ், தற்போதுஉலகின் 10 பெரும் பணக்காரர்களில் ஒருவராகத் திகழ்கிறார்.

ஆரக்கிள் கார்ப்பரேஷன் நிறுவனத்தின் லாறி எலிசன் மற்றும் பிரான்சின் பிரான்கோயிஸ் பெடென்கோர்ட் மெயர் ஆகியோரை பின்னுக்குத் தள்ளி 9-வது இடத்துக்கு முன்னேறியுள்ளார்.

ரிலையன்ஸ் இண்டஸ்ட்ரீஸ் நிறுவனத்தில் 42 சதவீத பங்குகள் முகேஷ் அம்பானி வசம் உள்ளது. இந்நிறுவனத்தின் அங்கமான ஜியோ பிளாட்பார்ம் நிறுவனத்தில் அந்நிய முதலீடு அதிகரித்து வருகிறது. இதனால் ரிலையன்ஸ் நிறுவனத்திற்குள்ள கடன் சுமைகள் குறைந்து வருகின்றன.

கரோனா வைரஸ் பரவலைக் கட்டுப்படுத்த ஊரடங்கு அமல்படுத்தப்பட்ட சூழலில் பெரும்பாலான நிறுவனங்கள் பெரும் சரிவை சந்தித்து வரும் நிலையில் ரிலையன்ஸ்ஜியோ நிறுவனம் லாபம் ஈட்டியுள்ளது. இதன் காரணமாக முகேஷ் அம்பானியின் சொத்து மதிப்பு இரண்டு மடங்காக உயர்ந்தது. இதையடுத்து அவர் உலக பணக்காரர்கள் பட்டியலில் இடம்பெற்றுள்ளார்.

ஜியோ பிளாட்பார்ம் சுமார் 1,500 கோடி டாலர் அளவுக்கு அந்நிய முதலீடுகளை ஈர்த்துள்ளது. இதுதொலைத் தொடர்பு நிறுவனங்களின் ஒட்டுமொத்த முதலீட்டில் பாதி அளவாகும். ஃபேஸ்புக் இன்கார்ப்பரேஷன், ஜெனரல் அட்லான்டிக், சில்வர் லேக் பார்ட்னர், கேகேஆர் அண்ட் கோ, சவுதி அரேபியாவின் சாவ்ரின் வெல்த் பண்ட் ஆகியன ஜியோ பிளாட்பார்மில் முதலீடு செய்துள்ளன.

இந்தியாவின் மொபைல் சந்தையில் 48 சதவீத சந்தையை அடுத்த 5 ஆண்டுகளில் ரிலையன்ஸ் ஜியோ பிடித்துவிடும் என கணிக்கப்பட்டுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

பணக்காரர்கள் பட்டியல்முகேஷ் அம்பானிஉலகின் 10 பெரும் பணக்காரர்கள்Mukesh ambani

Sign up to receive our newsletter in your inbox every day!

You May Like

More From This Category

More From this Author