Published : 28 Apr 2020 08:30 am

Updated : 28 Apr 2020 08:30 am

 

Published : 28 Apr 2020 08:30 AM
Last Updated : 28 Apr 2020 08:30 AM

கை துண்டிக்கப்பட்ட காவல் அதிகாரிக்கு ஆதரவாக பஞ்சாப் போலீஸார் பிரச்சாரம்

punjab-police
பஞ்சாபில் கை துண்டிக்கப்பட்ட ஹர்ஜித் சிங்குக்கு தங்கள் ஆதரவை தெரிவிக்கும் வகையில், அம்மாநில போலீஸார் நேற்று “நானும் ஹர்ஜித் சிங் தான்” என்ற பேட்ச் அணிந்து பணியில் ஈடுபட்டனர்.படம்: பிடிஐ

சண்டிகர்: பஞ்சாபின் பாட்டியாலா நகரில் கடந்த 12-ம் தேதி, ஊரடங்கு உத்தரவை மீறி காரில் வந்த சிலருக்கும் போலீஸாருக்கும் இடையே வாக்குவாதம் ஏற்பட்டது. அப்போது காரில் வந்த கும்பல் நடத்திய தாக்குதலில் ஹர்ஜித் சிங் (50) என்ற உதவி சப்-இன்ஸ்பெக்டரின் இடது கை துண்டிக்கப்பட்டது. பின்னர் பிளாஸ்டிக் சர்ஜரி மூலம் இவரது கைது இணைக்கப்பட்டது. மேலும் இவருக்கு சப்-இன்ஸ்பெக்டராக பதவி உயர்வு வழங்கப்பட்டது.

இந்நிலையில் ஹர்ஜித் சிங் மற்றும் கரோனா வைரஸுக்கு எதிரான போரில் முதல் வரிசையில் இருக்கும் பிறருக்கும் தங்கள் ஆதரவை தெரிவிக்கும் வகையில், பஞ்சாப் மாநில போலீஸார் நேற்று “நானும் ஹர்ஜித் சிங் தான்” என்ற பேட்ச் அணிந்து பணியில் ஈடுபட்டனர்.

இதுகுறித்து மாநில காவல் துறை இயக்குநர் திங்கர் குப்தா கூறும்போது, “ஹர்ஜித் சிங் போல, கரோனா வைரஸுக்கு எதிரான போரில் ஈடுபட்டுள்ள மருத்துவர்கள், போலீஸார் உள்ளிட்ட எவர் மீதும் தாக்குல் நடத்தப்படுமானால் அது இந்தியர்களை ஒன்றுதிரள வைக்கும் என்று அனைவருக்கும் உணர்த்துவதற்காக இந்த பிரச்சாரத்தில் ஈடுபட்டோம்” என்றார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Punjab policeபஞ்சாப் போலீஸார் பிரச்சாரம்கை துண்டிக்கப்பட்ட காவல் அதிகாரி

Sign up to receive our newsletter in your inbox every day!

You May Like

More From This Category

More From this Author