Published : 18 Apr 2020 18:53 pm

Updated : 18 Apr 2020 18:53 pm

 

Published : 18 Apr 2020 06:53 PM
Last Updated : 18 Apr 2020 06:53 PM

ஹரியாணாவிற்கு லாரியில் செல்ல முயன்ற 37 கூலித் தொழிலாளர்கள் மீது வழக்குப்பதிவு: கரோனா தனிமை முகாம் அனுப்பியது டெல்லி போலீஸ்

coronavirus
பிரதிநிதித்துவப் படம்

புதுடெல்லி

டெல்லியில் இருந்து அண்டை மாநிலமான ஹரியாணாவிற்கு செல்ல முயன்ற 37 தொழிலாளர்கள் மீது வழக்கு பதிவாகி உள்ளது. அனைவரையும் பிடித்த டெல்லி காவல்துறை, கரோனா மருத்துவப் பரிசோதனை செய்யவேண்டி தனிமை முகாமிற்கு அனுப்பி வைத்தது.

நேற்று நள்ளிரவு 1.30 மணிக்கு டெல்லியின் ஓக்லா அருகே ஒரு லாரி காவல்துறையினரால் தடுத்து நிறுத்தப்பட்டது. அதில் சோதனை செய்த போது 37 தொழிலாளர்கள் அண்டை மாநிலமான பல்வல் செல்ல இருந்தது கண்டுபிடிக்கப்பட்டது.

இதனால், 37 பேர் மீதும் அரசு உத்தரவை மீறியதாக ஐபிசி பிரிவு 188, 269 –ன்படி கொடூர நோய் பரவ முயற்சி ஆகிய வழக்குகள் பதிவு செய்யப்பட்டன.

வெளிமாநிலத்தை சேர்ந்த இவர்கள் அனைவரும் ஹரியாணாவாவின் பல்வலில் தங்கி இருப்பவர்கள், ஓக்லாவின் காய்கறி சந்தையில் பணியாற்றுபவர்கள் எனத் தெரிகிறது.

இதேபோல், டெல்லியின் சவுத் எக்ஸ் பகுதியில் டொயோட்டா இன்னோவா வாகனத்தில் 7 தொழிலாளர்கள் சென்ற போது பிடிபட்டனர். இவர்கள் அனைவரும் தம் சொந்த ஊரான பீஹார் மாநிலம் வைஷாலிக்கு வரை செல்ல ரூ.37,000 வாடகைப் பேசி இருந்தனர்.

இவ்விரு சம்பவங்களில் பிடிபட்டவர்களை டெல்லி போலீஸார் புறநகர் பகுதியில் உள்ள கரோனா தனிமை முகாமிற்கு அனுப்பு வைத்தனர். அங்கு அவர்களுக்கு மருத்துவப் பரிசோதனை செய்யப்பட்டு உகந்த வகையில் வைக்கப்பட உள்ளனர்

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

#Coronavirusஹரியாணாவிற்கு லாரியில் செல்ல முயன்ற 37 கூலித் தொழிலாளர்கள் மீது வழக்கு பதிவுகரோனா தனிமை முகாம் அனுப்பியது டெல்லி போலீஸ்

Sign up to receive our newsletter in your inbox every day!

You May Like

More From This Category

More From this Author