Published : 18 Apr 2020 18:22 pm

Updated : 24 Apr 2020 20:59 pm

 

Published : 18 Apr 2020 06:22 PM
Last Updated : 24 Apr 2020 08:59 PM

லாக் டவுனில் சிக்கிய மாணவர்களை பேருந்துகள் அனுப்பி அழைத்து வந்தது போன்ற அக்கறையை ஏழைத் தொழிலாளர்களிடத்திலும் காட்டுங்கள்: மாயாவதி

mayawati-lauds-up-govt-s-move-to-send-buses-to-kota-to-bring-back-students
மாயாவதி

லக்னோ

லாக் டவுனில் சிக்கிய மாணவர்களிடம் காட்டிய அக்கறையை ஏழை, புலம்பெயர்ந்த தொழிலாளர்களிடத்திலும் காட்ட வேண்டும் என்று யோகி அரசுக்கு மாயாவதி வேண்டுகோள் விடுத்துள்ளார்.

லாக்டவுன் நீட்டிக்கப்பட்ட நிலையில் ராஜஸ்தானிலிருந்து 7000த்திற்கும் அதிகமான மாணவர்கள் ராஜஸ்தான் மாநிலத்தில் சிக்கிக்கொண்டனர். அவர்கள் அனைவரும் ராஜஸ்தானிலிருந்து அவர்களின் சொந்த மாநிலமான உத்தரப் பிரதேசத்திற்கு பேருந்துகளில் அழைத்து வரப்பட்டனர்.

ராஜஸ்தான் மாநிலத்தில் கோட்டா நகரத்தில் தங்கி பயிற்சி மையங்களில் படித்துவரும் அவர்கள் அனைவரும் பத்திரமாக இன்று உத்திரப் பிரதேசத்திற்கு திரும்பினர். இதற்கு பகுஜன் சமாஜ் கட்சித் தலைவர் மாயாவதி பாராட்டுத் தெரிவித்துள்ளார். அதுமட்டுமின்றி இதேபோன்ற அக்கறையை ஏழைகளிடமும் காட்டுங்கள் என வேண்டுகோள் விடுத்துள்ளார்.

இதுகுறித்து மாயாவதி இன்று ட்விட்டரில் கூறியுள்ளதாவது:

''பயிற்சி மையங்களில் படிக்கும் 7500 இளைஞர்களை திரும்ப அழைத்து வந்து பாதுகாப்பாக வீட்டிற்கு திருப்பி அனுப்புவதற்காக உ.பி. அரசு ராஜஸ்தானின் கோட்டாவுக்கு பல பேருந்துகளை அனுப்பியுள்ளது. இது வரவேற்கத்தக்கது. பகுஜன் சமாஜ் கட்சி அதைப் பாராட்டுகிறது.

ஆனால் வீடுகளில் இருந்து விலகி ஒரு நரக வாழ்க்கையை வாழ வேண்டிய கட்டாயத்தில் உள்ள லட்சக்கணக்கான ஏழை புலம்பெயர்ந்த தொழிலாளர் குடும்பங்களுக்கும் இதேபோன்ற அக்கறை காட்ட வேண்டும் என்றும் நாங்கள் கேட்டுக்கொள்கிறோம் ''

இவ்வாறு மாயாவதி ட்விட்டரில் தெரிவித்துள்ளார்.

கடந்த 24 மணி நேரத்தில் ராஜஸ்தானில் மொத்தம் 41 புதிய கோவிட் 19 வழக்குகள் பதிவாகியுள்ளன. மாநில சுகாதாரத் துறையின் கூற்றுப்படி இப்போது மாநிலத்தில் கரோனா பாதித்துள்ளவர்களின் மொத்த எண்ணிக்கை 1270 ஆக அதிகரித்துள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

ராஜஸ்தானில் கரோனா வைரஸ்உத்திரப் பிரதேசம்ராஜஸ்தான்புலம்பெயர்ந்த தொழிலாளர்கள்மாயாவதிபகுஜன் சமாஜ் கட்சி.

Sign up to receive our newsletter in your inbox every day!

You May Like

More From This Category

More From this Author