Published : 18 Apr 2020 07:48 am

Updated : 18 Apr 2020 07:48 am

 

Published : 18 Apr 2020 07:48 AM
Last Updated : 18 Apr 2020 07:48 AM

பிரதமர் மோடியின் உரையை 20 கோடி பேர் பார்த்தனர்

modi-speech

புதுடெல்லி

கரோனா வைரஸ் பரவுவதைத் தடுக்கும் வகையில் நாடு முழுவதும் ஊரடங்கு அமல்படுத்தப்பட்டுள்ளது. ஊரடங்கு மற்றும்
கரோனா வைரஸை கட்டுப்படுத்துவது தொடர்பாக பிரதமர் நரேந்திர மோடி இதுவரை 4 முறை தொலைக்காட்சி மூலம் நாட்டு மக்களுக்கு உரையாற்றியுள்ளார்.

4-வது முறையாக கடந்த 14-ம் தேதி நாட்டு மக்களுக்கு தொலைக்காட்சி மூலம் மீண்டும் உரையாற்றினார். அப்போது, 19 நாட்களுக்கு ஊரடங்கு நீட்டிக்கப்படுவதாகவும் மே மாதம் 3-ம் தேதி வரை ஊரடங்கு அமலில் இருக்கும் என்றும் மோடி அறிவித்தார்.

கடந்த 14-ம் தேதி 4-வது முறையாக பிரதமர் மோடி ஆற்றிய தொலைக்காட்சி உரைபுதிய சாதனையை படைத்துள்ளது. அவரது இந்த 25 நிமிட உரையை நாடு முழுவதும் 20 கோடியே 30 லட்சம் பேர் பார்த்துள்ளனர். இந்த தகவலை ஒளிபரப்பு நேயர்கள் ஆராய்ச்சி கவுன்சில் (பிஏஆர்சி) தலைமை நிர்வாகி சுனில் லல்லா தெரிவித்துள்ளார்.

மேலும், கரோனா வைரஸுக்கு முன்பு இருந்ததைவிட இப்போது தொலைக்காட்சி பார்வையாளர்களின் எண்ணிக்கை 38 சதவீதம் அதிகரித்துள்ளதாகவும் ஆய்வில் தெரியவந்துள்ளது.

மேலும், ஸ்மார்ட் போன் உபயோகிப்பவர்களில் 40 சதவீதத்துக்கும் அதிகமானோர் கரோனா வைரஸ் குறித்த செய்திகளை கூகுள் இணையதளத்தில் தேடியிருப்பதாவும் ஆய்வில் தெரியவந்துள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

பிரதமர் மோடி20 கோடி பேர் பார்த்தனர்Modi speechகரோனா வைரஸ்ஊரடங்கு அமல்

Sign up to receive our newsletter in your inbox every day!

You May Like

More From This Category

More From this Author