காஷ்மீர் ராணுவ முகாமில் வெடிவிபத்து: 12 வீரர்கள் காயம்

ஜம்மு - காஷ்மீரின் புல்வாமா மாவட்டத்தில் உள்ள ராணுவ முகாமில் ஏற்பட்ட வெடிவிபத்தில் 12 வீரர்கள் காயமடைந்தனர்.

ஜம்மு - காஷ்மீரின் புல்வாமா மாவட்டத்தில் உள்ள அவந்திப்போரா ராணுவ முகாமில் இன்று (சனிக்கிழமை) காலை வெடிவிபத்து ஏற்பட்டது. இதில் 12 பேர் காயமடைந்தனர். இவர்களுள் 7 பேர் மோசமான நிலையில் உள்ளதாக அதிகாரிகள் கூறியுள்ளனர்.

வெடிகுண்டுகளை வைத்து மேற்கொண்ட பயிற்சியின்போது நடந்த எதிர்பாராத விபத்து இது என ராணுவ வட்டாரங்கள் தெரிவிக்கின்றன.

ஆனால் விபத்துக்கான காரணம் குறித்த உடனடியாக முடிவுக்கு வரமுடியவில்லை என்றும் அவர்கள் தெரிவித்துள்ளனர்.