Published : 23 Mar 2020 10:07 am

Updated : 23 Mar 2020 10:07 am

 

Published : 23 Mar 2020 10:07 AM
Last Updated : 23 Mar 2020 10:07 AM

கரோனா பாதிப்பு: பாலிசிதாரர்களுக்கு எல்ஐசி நிறுவனம் புதிய சலுகை அறிவிப்பு

lic-declares-relaxation-for-premium-payments
கோப்புப்படம்

மும்பை

கரோனா வைரஸ் நோய் தொற்று காரணமாக காப்பீடு ப்ரீமியம் தொகையை உரிய ேததியில் செலுத்த முடியாமல் தவிக்கும் வாடிக்கையாளர்களுக்கு எல்ஐசி நிறுவனம் புதிய சலுகையை அறிவித்துள்ளது.

உலகளவில் பெரும் பாதிப்பை ஏற்படுத்தி வரும் கரோனா வைரஸுக்கு இதுவரை 14 ஆயிரத்துக்கும் மேற்பட்ட மக்கள் பலியாகியுள்ளார்கள்,3 லட்சத்துக்கும் மேற்பட்ட மக்கள் பாதிக்கப்பட்டுள்ளார்கள். இந்தியாவிலும் கரோனாவின் பாதிப்பு நாளுக்கு நாள் அதிகரித்து வருகிறது.

மத்திய அரசுடன் இணைந்து மாநில அரசுகள் முன்னெச்சரிக்கை நடவடிக்கைகளையும், தடுப்பு நடவடிக்கைகளையும் எடுத்தபோதிலும் கூட பாதிப்பைக் கட்டுப்படுத்த முடியவில்லை. இந்தியாவில் இதுவரை 390 ேபர் பாதிக்கப்பட்டுள்ளனர், 7 பேர் உயிரிழந்துள்ளனர்.

கரோனா பாதிப்பால் எல்ஐசி காப்பீடு எடுத்திருக்கும் வாடிக்கையாளர்கள் காப்பீடு ப்ரீமியம் கட்டணத்தை உரிய தேதியில் செலுத்த முடியாத சூழல் ஏற்படுகிறது. இதைக் கருத்தில் கொண்டு பாலிசிதாரர்களுக்காக புதிய சலுகையை எல்ஐசி நிறுவனம் அறிவித்துள்ளது.

அதுகுறித்து எல்ஐசி நிறுவனம் வெளியிட்ட அறிவிப்பில் கூறுப்பட்டிருப்பதாவது: “ கரோனா வைரஸ் நோய் தொற்றால் நாட்டில் ஏற்பட்டுள்ள அசாதாரண சூழலைக் கருத்தில் கொண்டு பாலிசிதாரர்களுக்கு சலுகையை அறிவித்துள்ளோம்.

அதன்படி, பாலிசிதாரர்கள் அனைவரும் தங்கள் பாலிசியின் ப்ரீமியம் கட்டணத்தை செலுத்த கூடுதல் அவகாசமாக ஏப்ரல் 15 வரை வழங்கப்படுகிறது. ஆன்லைனில் செலுத்த முடியாத வாடிக்கையாளர்கள், முகவர்களிடம் வழங்க முடியாத வாடிக்கையாளர்கள், இந்த சலுகையை பயன்படுத்திக் கொள்ளலாம்” இவ்வாறு எல்ஐசி நிறுவனம் வெளியிட்ட அறிவிப்பி்ல தெரிவிக்கப்பட்டுள்ளது

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

LIC declaresRelaxation for premium paymentsPolicyholdersLife Insurance CorporationUnable to pay insurance premiumCoronavirus outbreakகரோனா வைரஸ்எல்ஐசிபாலிசிதாரர்களுக்கு சலுகைப்ரீமியம் கட்டணம்

Sign up to receive our newsletter in your inbox every day!

You May Like

More From This Category

More From this Author