Published : 27 Feb 2020 19:41 pm

Updated : 27 Feb 2020 19:41 pm

 

Published : 27 Feb 2020 07:41 PM
Last Updated : 27 Feb 2020 07:41 PM

டெல்லி போலீஸின் ‘அக்கறையின்மை’- அமித் ஷா-வுக்கு  ஷிரோமணி அகாலிதள் எம்.பி. நரேஷ் குஜ்ரால் வேதனைக் கடிதம்

delhi-violence-akali-mp-naresh-gujral-complains-to-amit-shah-about-delhi-police-s-apathy

வடகிழக்கு டெல்லியில் ஏற்பட்ட வன்முறைகளின் போது உதவுமாறு அழைக்கும் சாதாரண மக்களின் வேண்டுதல்களையும் புறக்கணித்து வாளாவிருந்த டெல்லி போலீசார் ஒரு குறிப்பிட்ட வன்முறைச் சூழலில் 16 முஸ்லிம்களைக் காப்பாற்றுவதற்காக தான் மேற்கொண்ட அழைப்பையும் டெல்லி போலீசார் புறக்கணித்தது குறித்து உள்துறை அமைச்சர் அமித் ஷாவுக்கு சிரோமணி அகாலிதள் எம்.பி. நரேஷ்குஜ்ரால் வேதனையுடன் கடிதம் எழுதியுள்ளார்.

பிப்ரவரி 26ம் தேதி அன்று டெல்லி போலீஸார் கலவரம் ஏற்பட்ட மஜ்பூர் பகுதியிலிருந்து தங்களைக் காப்பாற்றுமாறு தனக்கு ஒரு தொலைபேசி அழைப்பு வந்ததையும் உடனே டெல்லி போலீசாருக்குத் தான் அந்த வேண்டுகோளை தெரிவித்ததாகவும் ஆனால் எந்த ஒரு நடவடிக்கையையும் அவர்கள் மேற்கொள்ளவில்லை என்று அவர் வேதனையுடன் தன் கடிதத்தில் கூறியுள்ளார், அதாவது ஆளும் கட்சியுடன் கூட்டணியில் இருக்கும் ஒரு எம்.பி.யின் வேண்டுகோளுக்கு இதுதான் பதிலா என்று அவர் வேதனையுடன் அமித் ஷாவுக்கு எழுதிய கடிதத்தில் கேட்டுள்ளார்.


இந்தக் கடிதத்தின் நகலை அவர் டெல்லி துணை நிலை ஆளுநர் அனில் பைஜல், டெல்லி போலீஸ் கமிஷனர் அமுல்யா பட்நாயக் ஆகியோருக்கும் அனுப்பியுள்ளார்.

அந்தக் கடிதத்தில் நரேஷ் குஜ்ரால் கூறியிருப்பதாவது:

பிப்ரவரி 26ம் தேதி நள்ளிரவு 11.30 மணியிருக்கும். மஜ்பூர் கோண்டா சவுக் அருகே தானும் 15 முஸ்லிம்களும் ஒரு வீட்டில் சிக்கிக் கொண்டதாகவும் வீட்டை முற்றுகையிட்டு உடைத்து உள்ளே நுழைய ஒரு கும்பல் வாசலில் முயன்று வருவதாகவும் காப்பாற்றுமாறும் எனக்கு ஒருவர் அழைப்பு விடுத்தார்.

நான் உடனே 100 எண்ணைத் தொடர்பு கொண்டு புகார் அளித்ததோடு எனக்கு தொலைபேசியில் அழைத்தவரின் எண்ணையும் போலீஸ் அதிகாரியிடம் அளித்தேன். சூழ்நிலையின் அவசரத்தை நான் ஆபரேட்டரிடம் விளக்கி நான் ஒரு எம்.பி. என்பதையும் குறிப்பிட்டேன். 11.43 மணியளவில் என்னுடைய புகார் பெறப்பட்டதாகவும் உறுதி செய்தனர். ஆனால் எனக்கு கடும் ஏமாற்றத்தை ஏற்படுத்தியது என்னவெனில் போலீஸார் இந்தப் புகார் குறித்து எந்த ஒரு நடவடிக்கையையும் எடுக்கவில்லை என்பதே. அந்த வீட்டில் சிக்கிய 16 பேருக்கும் எந்த ஒரு உதவியும் போலீஸ் தரப்பில் அளிக்கப்படவில்லை. அந்த 16 பேரும் அருகில் வசிக்கும் இந்து நண்பர்கள் உதவியுடன் அதிர்ஷ்டவசமாக தப்பிச் சென்றனர். ஒரு எம்.பி. அளித்த புகாருக்கே இந்த நிலை. எனவே டெல்லியின் சிலபகுதிகள் எரிந்ததில் ஆச்சரியமொன்றுமில்லை, ஏனெனில் போலீசார் எந்த ஒரு அக்கறையுமில்லாமல் வாளாவிருந்தனர்., என்று நரேஷ் குஜ்ரால் வேதனையுடன் தன் கடிதத்தில் கூறியுள்ளார்.

முன்னாள் இந்தியப் பிரதமர் ஐ.கே.குஜ்ராலின் மகனான நரேஷ் குஜ்ரால் தி இந்து (ஆங்கிலம்) நாளிதழுக்கு இது தொடர்பாகத் தெரிவிக்கும் போது, “என் கடிதத்தை பொதுமக்கள் பார்வைக்கு வெளியிடலாம் என்று நினைத்தேன். 1984-ல் சீக்கியர்களுக்கு எதிரான கலவரத்தின் சாட்சியாக நான் இருக்கிறேன். எனவே அது போன்று ஒன்று மீண்டும் நிகழக்கூடாது என்பதே என் விருப்பம். இந்த வன்முறைக்கும், போலீசாரின் அக்கறையின்மைக்கும் எதிராக ஒவ்வொருவரும் குரல் கொடுக்க வேண்டும்" என்றார்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



டெல்லி வன்முறைடெல்லி கலவரம்இந்து முஸ்லிம் ஒற்றுமைசிரோமணி அகாலிதள் எம்.பிநரேஷ் குஜ்ரால்அமித் ஷாகடிதம்முஸ்லிம் குடும்பம்காப்பாற்றிய இந்துக்கள்

Sign up to receive our newsletter in your inbox every day!

You May Like

More From This Category

More From this Author