Published : 09 Nov 2019 11:14 am

Updated : 09 Nov 2019 11:14 am

 

Published : 09 Nov 2019 11:14 AM
Last Updated : 09 Nov 2019 11:14 AM

சமூக ஒற்றுமையை பராமரிக்க ஒவ்வொருவருக்கும் பொறுப்பு: பிரியங்கா காந்தி வேண்டுகோள்

ayodhya-judgment-everyone-s-responsibility-to-maintain-unity-social-harmony-says-priyanka
பிரியங்கா காந்தி : கோப்புப்படம்

புதுடெல்லி

அயோத்தி வழக்கில் தீர்ப்பு அறிவிக்கப்பட உள்ள நிலையில், தேசத்தின் சமூக ஒற்றுமையைப் பராமரிக்க ஒவ்வொருவருக்கும் பொறுப்பு இருக்கிறது என்று காங்கிரஸ் கட்சியின் பொதுச்செயலாளர் பிரியங்கா காந்தி வேண்டுகோள் விடுத்துள்ளார்.

அயோத்தியில் சர்ச்சைக்குரிய 2.77 ஏக்கர் நிலம் தொடர்பான வழக்கை தலைமை நீதிபதி ரஞ்சன் கோகோய், நீதிபதிகள் எஸ்.ஏ.பாப்டே, டி.ஒய்.சந்திரசூட், அசோக் பூஷண், எஸ்.அப்துல் நசீர் அடங்கிய 5 நீதிபதிகள் கொண்ட அரசியல் சாசன அமர்வு கடந்த ஆகஸ்ட் 6-ம் தேதி முதல் தொடர்ந்து 40 நாட்கள் விசாரணை நடத்தி முடித்துள்ளது.

உச்ச நீதிமன்றத் தலைமை நீதிபதி ரஞ்சன் கோகோய் வரும் 17-ம் தேதி ஓய்வு பெறுவதையடுத்து, அயோத்தி வழக்கில் இன்று காலை தீர்ப்பு வழங்கப்பட்டு வருகிறது.

இதுகுறித்து காங்கிரஸ் கட்சியின் பொதுச்செயலாளர் பிரியங்கா காந்தி மக்களுக்கு ட்விட்டரில் வேண்டுகோள் விடுத்துள்ளார். அதில் அவர் கூறுகையில், " உச்ச நீதிமன்றத்தில் எந்தவிதமான தீர்ப்பு வந்தாலும் ஆயிரக்கணக்கான ஆண்டுகள் பாரம்பரியம் கொண்ட தேசத்தின் ஒற்றுமை, சமூக ஒற்றுமையைப் பராமரிக்க வேண்டியது ஒவ்வொருக்கும் பொறுப்பு இருக்கிறது.
இது மகாத்மாவின் தேசம். அமைதி மற்றும் அஹிம்சையில் நம்பிக்கை வைத்து பணிந்து நடக்க வேண்டிய பொறுப்பு இருக்கிறது" என வேண்டுகோள் விடுத்துள்ளார்.

பிடிஐ

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

#AYODHYAVERDICTAyodhya verdictCongress leader Priyanka Gandhi VadraUnity and social harmonyஅயோத்தி வழக்கு தீர்பபுஉச்ச நீதிமன்றம்அயோத்தி வழக்குரஞ்சன் கோகோய்

Sign up to receive our newsletter in your inbox every day!

You May Like

More From This Category

More From this Author