Published : 16 Oct 2019 14:35 pm

Updated : 16 Oct 2019 14:35 pm

 

Published : 16 Oct 2019 02:35 PM
Last Updated : 16 Oct 2019 02:35 PM

என் தந்தையை பாஜகவில் சேர வேண்டாம் என்றேன் அவர் கேட்கவில்லை: ராஜினாமா செய்த தாமோதர் ரவுத்தின் மகன் வேதனை

senior-odisha-bjp-leader-damodar-rout-quits-party
தாமோதர் ரவுத்.

புவனேஷ்வர், ஐ.ஏ.என்.எஸ்.

ஒடிசா பாஜக மூத்த தலைவர் தாமோதர் ரவுத் புதன் கிழமையன்று பாஜக அடிப்படை உறுப்பினராக விலகுவதகா அறிவித்தார். கட்சியின் கொள்கை வகுத்தல்களில் தன்னைப் புறக்கணித்ததால் இந்த முடிவை வேதனையுடன் எடுத்ததாக அவர் தெரிவித்தார்.

முடிவு எடுப்பதில், கொள்கை வகுப்படில் தன்னுடைய ஆலோசனைகள் தேவையில்லை என்று கட்சி முடிவெடுத்த பிறகு எனக்கு என்ன வேலை இருக்கிறது என்று பாஜக மாநில தலவிஅர் வசந்த் பாண்டாவுக்கு எழுதிய ராஜினாமா கடிதத்தில் அவர் கூறியுள்ளார்.

“கட்சியின் திட்டங்களில், நிகழ்ச்சிகளில், முடிவு எடுக்கும் நடைமுறைகளில் என்னுடைய ஆலோசனைகள் அவர்களுக்கு தேவைப்படவில்லை என்பதை உணர்ந்த போது வருத்தமடைந்தேன், இதனால் என் மனநிலையின் சமநிலையே ஆழமாகப் பாதிக்கப்பட்டது” என்றார் ரவுத்.

பிஜு ஜனதாதளத்திலிருந்து தாமோதர் ரவுத் நிக்கப்பட்ட பிறகு இவர் கடந்த மார்ச்சில் பாஜகவில் இணைந்தார். கட்சியில் தன் இருப்பு முக்கியமில்லாத போது அரசியலிலிருந்தே ஓய்வு பெறுவதாக அவர் அறிவித்துள்ளார்.

“மாநில எம்.எல்.ஏ.வாக 35 ஆண்டுகள் சேவையாற்றியுள்ளேன், மாநில அமைச்சரவையில் 6 முறை இடம்பெற்றுள்ளேன். கட்சியில் எனது முக்கியத்துவம் நாளுக்குநாள் குறைந்ததையடுத்து நான் செயல்பூர்வ அரசியலிலிருந்து ஓய்வு பெற முடிவெடுத்தேன்” என்றார் ரவுத்

2019 தேர்தலில் பாலிகுடா -எர்சமா சட்டப்பேரவைத் தொகுதியில் பாஜக சார்பாக நின்ற ரவுத் தோல்வியடைந்தார்.

இந்நிலையில் மாநில பாஜக தலைவர் பாண்டா கூறும்போது, “கட்சியில் அனைவரும் சமமே. பிரதமர் உட்பட தலைவரும் தொண்டரும் ஆவார்.” என்றார்.

இந்நிலையில் தாமோதர் ரவுத்தின் மகனும் பிஜேடி எம்.எல்.ஏ.வுமான சம்பிது ரவுத் தன் தந்தை பாஜகவில் சேர முடிவெடுத்ததே தவறானது என்றா.

“பாஜக கடினமான சூழ்நிலையில் இருந்த போது என் தந்தையை அழைத்தனர். நான் அவரை வேண்டாம் என்று தடுக்க முயன்றேன், ஆனால் அவர் கேட்கவில்லை” என்றார் மகன் சம்பித் ரவுத்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Senior Odisha BJP leader Damodar Rout quits partyஎன் தந்தையை பாஜகவில் சேர வேண்டாம் என்றேன் அவர் கேட்கவில்லை: ராஜினாமா செய்த தாமோதர் ரவுத்தின் மகன் வேதனை

Sign up to receive our newsletter in your inbox every day!

You May Like

More From This Category

More From this Author