Published : 29 May 2015 08:23 PM
Last Updated : 29 May 2015 08:23 PM

கடந்த நிதி ஆண்டில் ஒட்டுமொத்த உள்நாட்டு உற்பத்தி 7.3%

கடந்த நிதி ஆண்டின் (2014-15) வளர்ச்சி விகிதம் 7.3 சதவீதமாக உள்ளது என்று மத்திய புள்ளியியல் அமைப்பு தெரிவித்திருக்கிறது. பெரும்பாலான வல்லுநர்கள் 7.4 சதவீத அளவுக்கு இருக்கும் என்று கணிக்கப்பட்டிருந்த நிலையில் வளர்ச்சி சிறிதளவு குறைந்திருக்கிறது.

2013-14-ம் நிதி ஆண்டில் பொருளாதாரம் 6.9 சதவீத வளர்ச்சியும் அதற்கு முந்தைய நிதி ஆண்டில் 5.1 சதவீத வளர்ச்சியும் அடைந்திருந்தது. ஜனவரி மார்ச் மாத காலாண்டில் இந்தியாவின் வளர்ச்சி 7.5 சதவீதமாக உள்ளது. இதே காலாண்டில் சீனாவின் வளர்ச்சி 7 சதவீதமாக இருந்தது குறிப்பிடத்தக்கது.

2011-12-ம் ஆண்டினை அடிப்படையாக கொண்டு ஜிடிபி கணக்கிடப்பட்டுள்ளது.

இந்த நிதி ஆண்டில் விவசாயத்துறையின் வளர்ச்சி 0.2 சதவீதமாகவும், உற்பத்தி துறையின் வளர்ச்சி 7.1 சதவீதமாகவும், நிதிசேவைகள் பிரிவின் வளர்ச்சி 11.5 சதவீதமாகவும் இருந்தது.

ஜிடிபி தகவல்கள் 2011-12-ம் ஆண்டினை அடிப்படையாக கொண்டது. இருந்தாலும் பெரும்பாலான நிபுணர்களும், சர்வதேச நிறுவனங்களும் ஜிடிபி தகவல்கள் உண்மை நிலையை பிரதிபலிக்க வில்லை என்றே விமர்சனம் செய்திருக்கிறார்கள்.

FOLLOW US

Sign up to receive our newsletter in your inbox every day!

WRITE A COMMENT
 
x